82% ژ ئاواران كوردێن ئێزدی نه
تۆرا لالش يا راگه‌هاندنێ
ل پارێزگه‌ها دهۆكێ د 22 كه‌مپان دا نێزیكی 230 هزار ئاواران دژین و ژ ڤێ رێژێ ژی 82% كوردێن ئێزدی نه و 3% عه‌ره‌بن و هژمارا هه‌می ئاوارێن ل پارێزگه‌هێ دژین دناڤ كه‌مپان و ده‌رڤه‌ی كه‌مپان دگه‌هیته 718 هزار كه‌سان.
ئه‌ندازیار ئدریس نه‌بی سالح، رێڤه‌به‌رێ جێبه‌جێكار یێ بۆردێ كارۆبارێن مرۆڤایه‌تی ل پارێزگه‌ها دهۆكێ بۆ (باسنیوز) دیاركر: “ل پارێزگه‌ها دهۆكی 22 كه‌مپێن ئاواره و په‌نابه‌ران هه‌نه، ژ وان چار كه‌مپ یێن په‌نابه‌رێن كوردستانا رۆژئاڤای نه و 18 كه‌مپ ژی یێن ئاوارانه، د ناڤا ڤان كه‌مپان دا 230 هزار كه‌س لێ هاتینه ئاكنجیكرن و گۆتیشی: هژمارا گشتی یا ئاوارێن ل پارێزگه‌هێ دژین 718 هزار كه‌سن، رێژا كوردێن ئێزدی ل ناڤ كه‌مپان (82%)، و یا عه‌ره‌بان (3%)یه”.
ناڤبری ئاماژه دا وێ چه‌ندێ، 59,339 هزار خێزان ژ ئاواران ل ده‌رڤه‌ی كه‌مپان دژین و 106 ل جهێن جودا جودا دژین، 6650 خێزانێن په‌نابه‌ر ل (29) جهان دژین، هه‌ر 22 كه‌مپ ل پارێزگه‌هێ دبه‌لاڤن و پتر كه‌مپ ل قه‌زا سێمێلێ هاتینه درووستكرن.
دهێته زانین كو رێژا ئاواره و په‌نابه‌ران ل سێمێلێ ژ رێژا خه‌لكێ وێ قه‌زایێ زێده‌تره و ل سنورێ هه‌ر (22) كه‌مپان (موسلمان، مه‌سیحی، ئێزدی، شه‌به‌ك، عه‌ره‌ب، كوردێن رۆژئاڤا) تێدا دژین و پتریا ئاكنجیێن كه‌مپان دهه‌ژارن.
تُتاح هذه الصورة أيضا في: کوردی
