رێكخراوا داك خۆلەكا فێركرنا كۆمپیۆتەری ل كەمپا ئێسیان ب داوی ئینا 
تۆرا لالش یا راگەهاندنێ
رێكخراوا داك ژبۆگەشەپێدانا ژنا ئێزدی ب هەماهەنگی لگەل لژنا ئاوارێن باعەدرێ،خۆلەكا فێركرنا كۆمپیۆتەری بۆ 30بەشداربوویان ل كەمپا ئێسیان ب داوی ئینا.
دڤێ خۆلێ دا كو بۆماوێ 10رۆژان یا بەردەوام بوو،بەشداربووی كو ژمارا وان 30گەنج بوون ژ هەردوو رەگەزان،فێری بەرنامێ(Microsoft Office Excel 2013) بوون.
سوزان سەفەر،بەرپرسا رێكخراوا داك بۆ(تۆرا لالش یا راگەهاندنێ)خویاكر:”ئەڤ خۆلە ژ ئالیێ رێكخراوێ و ب هەماهەنگی لگەل لژنا ئاوارێن باعەدرێ ل كەمپا ئێسیان هاتبوو ڤەكرن،دوهی 6/7/2016،ب داوی هات و باوەرنامە ل سەر هەموویان هاتن بەلاڤكرن دگەل خەلاتكرنا سێ سەركەفتیێن ئێكێ،هەروەسا هەر ل داویێ دروشمێن پشتەڤانیكرنا”نادیا موراد”هاتن بلندكرن”.
تُتاح هذه الصورة أيضا في: کوردی
