شێخ شامۆ:پاشه‌رۆژ وپاراستنا خەلكێ كوردستانێ دوژدانێ سەرۆك بارزانی و هیمەتا هێزێن پێشمەرگەی دا دبینین
تۆرا لالش یا راگەهاندنێ
ب مەبەستا پیرۆزكرنا جەژنێ و پالپشتیكرنا پێشمەرگەیان،دەستەیا بلندا بنگەهێ لالش دگەل هەموو تایی و نڤیسینگەهان،ئیرۆ 7تەموزا2016، سەرەدانا بەرەیێ تلسقۆف كرن.
دڤێ سەرەدانێ دا،دەستەیا بلندا بنگەهێ لالش دگەل هەموو تایی و نڤیسینگەهان،سەرەدانا سێ بارەگایێن سەرەكی ل ڤی بەرەیی كرن،كو سەرەدانا بارەگایێ لقێ ئێك یێ پارتی دیموكراتی كوردستان كرن و ژلایێ”بەهجەت ئافدل”كارگێرێ لقێ هاتن پێشوازیكرن،پاشی سەرەدانا ئاسایشا بەرەیی كرن و ژبال عەقید”زێرەڤان بەروشكی “رێڤەبەرێ ئاسایشا بەرەیی ڤە پێشوازی لێ هاتە كرن،ل دووڤ دا سەرەدانا فەرماندەیا سپیلك یا پێشمەرگەی ل تلسقۆف كرن و ژلایێ لیوا “تارق هەرنی” فەرماندێ فەرماندێ ڤە هاتنە پێشوازیكرن،هەرسێ ئالیان ژی كەیف خۆشیا خۆ دەربرین و سەرفەرازیا خۆ ب ڤێ سەرەدانێ دیاركرن وگۆتن ئەڤە پتر ورەیا مە بلند دكت تایبەت ژی وەك كوردێن ئێزدی،سوپاسیا هەلویستێ بنگەهێ لالش كرن دڤێ جەژنێ دا و پێشمەرگە ل بیرا خۆ ئیناین وسەرەدانا وان كرین،هەروەسا بنگەهێ لالش پەیاما خۆ گەهاندە وان و هندەك كەلوپەل و هاریكاری پێشكێشكرن.
دگۆتنێن خۆدا”شێخ شامۆ”سەرۆكێ دەستەیا بلندا بنگەهێ لالش،دووپات ل پەیاما”مەسعوود بارزانی” سەرۆكێ هەرێما كوردستانێ كر دجەژنێ دا،كو لایەنێن سیاسی پێك بكن،گۆتژی وەك كوردێن ئێزدی و بنگەهێ لالش پاشەرۆژ و پاراستنا خەلكێ كوردستانێ و دەولەت بوون و سەرفەرازیا كوردستانێ دوژدانێ سەرۆك بارزانی و هیمەتا هێزێن پێشمەرگەی دا دبینین كو تنێ ئەون مە دپارێزن و بگەهیننە قۆناغا سەرفەرازیێ.
هەروەسا سەرۆكێ دەستەیا بلندا بنگەهێ لالش گۆت:” بنگەهێ لالش ب ئەركێ خۆ یێ نەتەوەیی و نشتیمان پەروەری زانی درۆژا جەژنێ دا سەرەدانا ڤی بەرەیی بكە،هەم بۆ پیرۆزكرنا جەژنێ و بۆ پالپشتی و دووپاتكرنا خۆ بۆ پێشمەرگەیان كو ئێمناهیا دەڤەرێن مە دپارێزن،دیسا دەڤەرێن مە پتریا وان ئازادكرینە و یێن ماین ژی ب هیڤیا وانن،پەیامەكا پشتەڤانیكرنێ و ورەیا وان بلند ببە بنگەهێ لالش گەهاندە پێشمەرگەی ل ڤی بەرەیی دا”.
تُتاح هذه الصورة أيضا في: کوردی
