ڕیفراندۆم مەزنترین دەستكەفتا دیرۆكی یا خەباتا خەلكێ كوردستانێ یە
موسا خالد
ڕیفراندۆم مەزنترین دەستکەفتا دیرۆکی یا خەباتا خەلکێ کوردستانێ یە، گشتپڕسی (ڕیفراندۆم) مافێ ھەموو تاکەکێ یە د جیھانا ئەم تێدا دژین، ژ ڕوویێ دەستوری و یاسایی ڤه د ھەر دەوڵەتەکێدا ب تایبەتی د حوکمێ دیموکراسیدا، مافێ هەموو خەلکەکێ یە کو چارەنڤێسێ خۆە و ئاخا خۆە ب دەنگێ خۆە دیاری بکەت.
ژ بۆ دیارکرن و گرەنتیکرنا سنور، ئازادی و سەربەخۆییا وڵاتی ژ ڕوویێ ڕامیاری و ئابووری، و ب کیانەکێ خۆیی وەک ھەر دەوڵەتەکا دی، نابت چ بەربەست و ڕێگری ھەبن د ھەڵبژارتن و دیاریکرنا مافێن هەبوونا ب دەوڵەتەکێ، هەروەسا دڤێت فه‌ره وەلاتێن زلیھێزێن جیھانی بۆ پشتگیری و پەیوەندی و ھەماھەنگی لسەر یاسایا نێڤدەوڵەتی پشته‌ڤان بن و دانپێدانێ پێ بكه‌ن.
خەبات و تێکۆشانا حزب و لایەن و لڤینا سیاسی و سەربازی د خەباتا گەلێ کوردا، د مێژوویا ڕزگاریخوازا کوردستانێدا، ژ سەردەمێ شێخ سعیدێ پیران، شێخ نەھری، شێخ عبدالسلام بارزانی، شێخ ئەحمد بارزانی، مەلك محمود، قازی محمد و بارزانی نەمر، هەمی ژبۆ سەربەخۆیی و ئازادیا میللەتێ کورد بوویە.
سەرۆک مەسعود بارزانی، وەک درێژە پێدەرێ ڤێ ڕێبازێ، ل ٢٥ی ئەیلوولێ سالا ٢٠١٧ بڕیارا گشتپرسیا (ڕیفراندۆم)ێ ل سەرتاسەرێ ھەرێما کوردستانێ دا، ئەڤ بڕیارە پەیامەکا ڕاستەوخۆ یا مەدەنی بۆ گەلێ کورد و وەلاتێن جیهانێ بوو، ڕێفراندۆم کەرکووکا دلێ کوردستان و شنگالا خۆراگر و ناوچەێن دی ژی ڤەگرت.
ئەنجامێ ڕیفراندۆمێ نیشان دا کو کوردستانیان ب رێژەیا زێدەتر ژ (٪٩٣) دەنگێ خۆە بۆ سەربەخۆییێ دا، نۆکە خەلکێ هەرێما کوردستانێ خۆدان بەڵگەیەکێ دەستووری و یاسایی یە کو شەرعیەتا دیاریکرنا مافێ چارەنڤێسێ خۆە نیشان ددەت.
ئەڤ دەستکەفتە بەرھەمێ خوینا شەھید، ئەنفال، کیمیاباران و جینۆسایدا دژی گەلێ کورد ە، د چارچووڤێ یاسایا مافێ نەتەوەییدا، ڕیفراندۆم ئێک ژ وان دەستکەفتێن گرنگە کو هەموو تاکێ کورد شانازیێ پێ دبەن، دامەزڕاندنا دەولەتا کوردستانێ مافەکێ ڕەوا یێ خەلکێ کوردستانێ یە.
تُتاح هذه الصورة أيضا في: کوردی
