كۆمكوژيا گوندێ كۆچۆ
فاديا به‌ده‌ل
نەهـ سال ل سەر کومکووژیا گۆندێ کۆچۆيا بریندار دەرباز دبن، دەمێ ل رێكه‌فتى 2014/8/3ێ ل سه‌ر ده‌ستێ گروپێ تيرۆرستێن داعش جێنۆسايد ل شنگالێ روودايى و ئه‌و ده‌ڤه‌ره داگيركرى گه‌له‌ك زولم ل خه‌لكێ وێ هاته‌كرن، گوندێ كۆچۆ ژلايێ وان درندان ڤه 12 رۆژان هاتبوو دوورپێچكرن د ئه‌نجامده زەلام و ژن و زارۆك ژێک جودا کرن و پاشى ل رۆژا ١٥/٨/٢٠١٤ زەلام هەموو کۆم کرن و پسیار ژ وان کرن ئەگەر ل پێ هزر و رێنمايێن مه بێن دى ل جه‌م مە د پاراستی بن ئەگەر نە دێ وە هەموويا کۆژين، زەلامێت گوندێ کۆچۆ بێدەنگ مان ئانکو کەسی نەدڤیا بكه‌فته ل بن هزرێن وان ده.
پاشی وان بێ وژدانا هەموو گوللە بارانکرن و کوشتن و يێن بریندار هاتنە رزگارکرن یێن دی هەموو بونە قوربانێن دینێ خۆ، ژن و زارۆک هاتنە رەڤاندن ژلايێ وان ڤه كو تانۆكه پشكه‌ك ژ وان د رزگار کرينه و پشكه‌ك ژى هەتا نهۆ د به‌رزه‌نه.
گۆندێ کۆجۆ هه‌زار و٧٥٠ کوردێن ئێزدی لێ دژیان كو ژ ٢٠٠ مالان پێکهاتبوو ئەڤ گۆندا ٣٠ کیلۆمەترا دووری شنگالە، بەلێ نۆکە نەهــ سال ل سه‌ر ڤێ کومکۆژیێ دەربازبوون کەس ل کۆچۆ ناژیت خەلک نکارن ڤەگەرن.
ئەڤ کومکۆژیا دژی خەلکێ گۆندێ کۆچۆ هاتە ئەنجام دان، مە هەتا کەنگی ئەڤ کاره‌ساتێت وەسا دێ ب سەرێ مللەتێ مە هێن ئێزدی هەموو یێ دەربەدەر بووین سەرەڕای هەموو كۆمكووژيان ئێزدیا کەلتوور، ناسنامە و دینێ خو پاراستن.
هیڤیا من ئەوا هندی شیان دا بیت هاریکاریا ئاواران بێتەکرن و رێکەفتنا شنگالێ بێتە جێبەجێکرن، ئارامی ل شنگالێ پەیدا بت داکو ئەو خەلکە ڤەگه‌رنا سەر جهـ و وارێن خۆە، و ئەو رەڤاندی ڤەگەرێن ب سەرەکێ بلند، هەموو ئەو خەلکێ دەربەدەر پێکڤە ڤەگەرنە شنگالێ ب دلەکی خۆش، روحا وان شەهیدا شاد و بەهشت بت.
تُتاح هذه الصورة أيضا في: کوردی
