هێشتا برینێن ئێزدیان نه‌هاتینه سارێژكرن؟
خالد خدر:
پشتى هێرشا چه‌كدارێن تیرۆرستێن داعش ل سه‌ر ده‌ڤه‌رێن ئێزدیان،ب تایبه‌تى ل سه‌ر ئێزدیێن ده‌ڤه‌را شنگالێ،كو ژ ئه‌نجامێ وێ هێرشا دڕندانه ئێزدیێن شنگالێ تووشى مه‌زنترین جینۆساید بوون د دیرۆكا نوودا،ب هه‌زاران كه‌س هاتنه كوشتن و ب هه‌زاران هاتنه گرتن ب تایبه‌تى ژن وزارۆك و كرنه كه‌نیزه و ل بازارێن نه‌خاسێ كرین وفرۆتن پێ هاته كرن،ژبلى تالانكرن و وێرانكرنێ و خرابكرنا مه‌زارگه‌هێن پیرۆز ل چیایێ شنگالێ و ده‌شتا نه‌ینه‌وا،زێده‌بارى ئاواره‌بوونا ب سه‌دێن هه‌زارا خه‌لكێ ئێزدى ل ناڤ كه‌مپان دا و كۆچكرنا ژماره‌كا مه‌زن بۆ وه‌لاتێن ئه‌ورۆپى و ئوسترالیا و ئه‌مریكا و كه‌نه‌دا.
ژئه‌نجامێ ڤێ هه‌موویێ ئاشتى یا جڤاكى هاته تێكدان،و ئێزدى تووشى بێ ئۆمێدییه‌كا مه‌زن بوون و باوه‌ریا وان ب ده‌وروبه‌رێن وان هاته شكاندن، سه‌ره‌رایى نه‌مانا داعشێ ئاخا ئێزدیا یا كو زۆربه‌یا هه‌ره بتر دكه‌ڤه شنگالێ بوویه گۆره‌پانا گرۆپێن چه‌كدار و نه یاسایى ،كو ئه‌و هێز و گرۆپه بووینه ئه‌گه‌رێ نه‌ئارامى و نه ئێمناهیێ و نه‌بوونا متمانێ و ئه‌وله‌هیێ ل وێ ده‌ڤه‌رێ،ئێزدى نهۆ د قۆناغه‌كا زۆر هه‌ستیار و ئالۆزدا ده‌رباز دبن،ملله‌ته‌كى 60% یان بتر ژیانا خۆ دناڤا كه‌مپێن ئاواره‌بوونێ دا دبۆرینت،هه‌ر هه‌یامه‌كێ هنده‌ك چادر دئێنه سۆتن، ملله‌ته‌ك به‌رێ بتریا وى ل كۆچكرنێ بۆ چاره‌نڤیسه‌كى نه‌دیار، هه‌ر هه‌یامه‌كێ هنده‌ك كه‌س دبنه قووربانى یا رێیێن كۆچبه‌ریا نه یاسایى، ئێزدى ملله‌ته‌كن ئاخا وى بوویه گۆره‌پانا هێزێن بیانى،تانهۆ ئێزدیا گۆتاره‌كا ئێكگرتى نینه،ئێزدى نهۆ ملله‌ته‌كى دابه‌شكرینه ل سه‌ر كۆمه‌كا پرسا دنافخۆیا خۆدا.
هه‌تا نهۆ ب شێوه‌كى پێتڤى دانپێدان ب جینۆسایدا ئێزدیا نه‌هاتیه كرن ل سه‌ر ئاستێ جڤاكێ نێڤ نه‌ته‌وه‌یى، جیێ مخابنیێ یه كو ب چ شێوا،هێشتا برینێن
س.س
تُتاح هذه الصورة أيضا في: کوردی
