تۆرا لالش
ل رێکەفتی 2-6/ 2025/6 بنگەهێ لالش تایێ شاریا و ڕێکخراوا Mesopotamia رابوون ب ئەنجامدانا خۆلا ترۆمبێلا گەرۆک یا پێنچ رۆژی یا کەلتووری ل هۆلا لالش ئێک بۆ (40) کچێن کۆمەلگەها شاریا و ئاوارەیێن شنگالێ ل کۆمەلگەهێ ئاکنجی.
تێ زانین د رۆژا ئێکێ یا ڤێ خۆلێ دا بابەتێن گرێدایی کەلتووری و چالاکیێن هەمەجۆر د هاتنه گوتن، ژوانژی وێنەکێشان، پەیکەت، سمینار، د ڕۆژا دووێ یا ڤێ خۆلێ دوو چالاکیێن هۆنەری هاتنە برێڤەبرن ئه‌وژی د چالاکیا ئێکێ دا کار ل سەر هونەرێ پەیکەری هاتەکرن کو ژلایێ مامۆستایەکی پسپۆرڤە فێری چاوانیا دروستکرنا پەیکەرێن مێژوویی و کەلتوری کرن مینا چێکرنا پەیکەرێ قوبێن پەرستگەها لالش و قوبێن مەزارگەهێن ئێزدیان، و د چالاکیەكا دیتردا کار ل سەر هونەرێ وێنەکێشانێ هاتە کرن ب تایبەت چاوانیا کێشانا وێنەیێن گرێدایی کەلتوورێ ئێزدیان.
هه‌روه‌سان د ڕۆژا سێیێ دا خۆلا (مركبة التراث)ب چالاکیا نڤیسینا میخی (بزماری) و نمایشکرنا فیلمەکی دکیۆمێنتاری ل سەر گرنگترین جهێن ئایینی ل دەڤ ئێزدیان ب ڕێڤەچوو، و ڕۆژا چارێ ب ئەنجامدانا دوو چالاکیان ب رێڤەچوو ئه‌وژی چالاکییا ئێکێ سمینارەکا مێژوویی ل دۆر کەڤناریا مێژوو و کەلتوورێ ئێزدیان بوو كو ژلایێ مامۆستایێ مێژوویێ (د. فلاح خیری)هاتە پێشکێشکرن، و د چالاکییا دووێ دا ب شێوەیەکی پراکتیک چەندین یاریێن کەڤن یێن میللی ب شێوەیێ گرۆپ دناڤبەرا پشکداربوویان دا هاتنە ئەنجامدان.
د ڕۆژا پێنجێ و دووماهیێ دا سمینارەک هاتە سازکرن ل دۆر میوزیکا ئۆلی یا ئێزدیان و جورێن وێ، و باوەرنامە ب سەر پشکداربوویان هاتنە دابەشکرن.
تُتاح هذه الصورة أيضا في: کوردی
