تۆرا لالش
ب بەشداریا (20) کەچێن کۆمەلگەها شاریا و ئاوارەیێن شنگالێ یێن ئاکنجی ل کۆمەلگەها شاریا، ل رێکەفتی 3/6/2025 ل هۆلا لالش1، بنگەهێ لالش تایێ شاریا ب هەڤکاری دگەل رێکخراوا (Mesopotamia Heritage truck) ڕۆژا دوویێ ژ خۆلا ترۆمبێلا گەرۆك یا کەلتووری ئەنجامدا، تێدا دوو چالاکیێن هۆنەری هاتنە برێڤەبرن.
د چالاکیا ئێکێ دا کار ل سەر هونەرێ پەیکەری هاتەکرن کو ژلایێ مامۆستایەکی پسپۆرڤە فێری چاوانیا دروستکرنا پەیکەرێن مێژوویی و کەلتووری کرن مینا چێکرنا پەیکەرێ قوبێن پەرستگەها لالش و قوبێن مەزارگەهێن ئێزدیان.
د چالاکیەكا دیتردا کار ل سەر هونەرێ وێنەکێشانێ هاتە کرن ب تایبەت چاوانیا کێشانا وێنەیێن گرێدایی کەلتوورێ ئێزدیان.
پشکداربوویێن خۆلێ ل سەر دوو گرۆپێن جودا هاتبوونە دابەشکرن و ب شێوەیەکی متناوب پشکداری هەردوو چالاکیان بوون.
مەرەم ژ ئەڤێ خۆلێ ئەوە پتر خەلکێ مە شارەزایی کەلتوورێ خۆ ببن و ب مێژوو و کەلتوورێ خۆ یێ کەڤنارڤە بهێنە گرێدان، ئەوژی ب ڕێکا چەندین چالاکیێن جودا مینا ئەنجامدانا سمینارێن مێژوویی، نمایشکرنا موزیکا ئاینی، کێشانا وێنەیێن کەلتووری و فێرکرنا هۆنەرێ پەیکەرتاشیێ، کو ژلایێ کەسانێن شارەزا و پسپۆرڤە دێ هێنە پێشکێشکرن.
تُتاح هذه الصورة أيضا في: کوردی
