تۆرا لالش
بنگەهێ لالش هەر ژ رۆژا دامەزراندنا خۆ ل 1993/5/12 پێنگاڤێن گرنگ و خزمەتەکا مەزن و ژ هەژی پێشکێشی جڤاکا ئێزدی کرییە و دکەت و روویێ راستەقینەیێ ئێزدیان و ئێزدیاتیێ دایە خویاکرن و ناسین،هەلبەت بنگەهێ لالش ئێکە ژ دەست کەفتێن سەرهلدانا بهارا 1991و ب پشتەڤانیا حکومەتا هەرێما کوردستانێ بەردەوامیێ دایه کار و خەباتا خوە، دکارن کارو خزمەتێن بنگەهێ لالش دڤان خالێن ل خوارێ دا دیاربکەن:
١-کۆمکرنا تێکستێن پیرۆز ژ قەول وبەیتان و بەلاڤکرنا وان ل گوڤارا لالش دا.
۲- ب هاریکاری و پشتەڤانیا بنگەهێ لالش دانان وبەرهەڤکرنا پرۆگرامێ پەروەردا ئێزدیاتیێ بو هەر دوو قۆناغێن(بنەرەتی . ئامادەیی) و بەردەوام پێشڤەبرنا وان.
۳- گرنگی دان ب تەخا قوتابییان و بەهرەیێن وان و خەلاتکرنا سەرکەفتیان سالانە ژلایێ تای و نڤیسینگەهێن لالش ڤە و هەروەسا پشتی ژناڤچۆنا رژێما سەدام حسێن و پەیدابوونا گرۆپێن تیرۆرستی ل عیراقێ و ب تایبەت ل مووسل کو فەتوا کۆشتنا ئێزدیان، بنگەهێ لالش نڤیسینگەهەکا تایبەت دورست کر بناڤێ(نڤیسینگەها کاروبارێ قوتابیان) و ب هەماهەنگی دگەل وەزارەتا خواندنا بلند و زانکۆیا دهۆک ب هەزاران قوتایێن ئێزدی ژبەر ترس وگەڤێن تیرۆرستا هاتنە ڤەگۆهاستن بۆ زانکۆیێن کوردستانێ و ب تایبەت بۆ زانکۆیا دهۆک ل ڤێ دەرێ فەرە رۆلێ سەرۆکێ زانکۆیا دهۆک ل وی سەردەمی دکتور(عصمت محمد خالد) و سەرۆکێ بنگەهێ لالش رەحمەتی(شێخ شامۆ) ژبیرنەکەین کو هەموو ئاسانکاری کرن ژبۆ ڤەگۆهاستن و وەرگرتنا وان ل زانکۆ و پەیمانگەهێن کوردستانێ.
٤- ئاڤاکرنا هۆلێن لالش یێن بیرەوەریان ل گوند و کۆمەلگەهـ و باژێرێن ئێزدیان کو مفایەکا مەزن ژێ دیتینە و بەردەوام سەخبێریکرنا وان ژلایێ بنگەهی ڤە.
٥- خۆرتکرنا پەیوەندیان دگەل دام ودەزگەهێن حكومی و رەوشەنیری، هەروەسا ب هێزکرنا پەیوەندیان دگەل سەنتەر و مال و کۆمەلێن ئێزدیان ژ دەرڤەی وەلات و ب تایبەت یێن ل ئه‌لمانیا وەکو مالا ئێزدیان ل ئۆلدونبرگ.
٦-ڤەکرنا لق ونڤیسینگەهێن بنگەهێ لالش ل گوند و باژێر و کۆمەلگەهێن ئێزدیان داکو ژ نێزیک ڤە خزمەتا جڤاکا خوە بکەن.
۷- ئەنجامدان و گێرانا ڤیستەڤالێن سالانە ژ پێخەمەت ساخکرن و دانەناسینا مێژوو و کەلتوور و فۆلکلۆرێ ئێزدیان ب مللەتێن دی.
.٨- چاپکرن و وەشاندنا بەرهەمێن نڤیسەر و ڤەکولەران یێن ل سەر ئێزدیاتیێ و ئێزدیان نڤیسی نکو هەتا نهۆ پتر ژ 70 پەرتووکان وەشاندینە.
۹- دابین کرن وتەرخانکرنا دەرمالیێن هەیڤانە ژ ئۆلدار و مجێۆر و خلمەتکاران رە.
۱۰- ئەنجامدانا ئێکەمین کۆنفرانسێ زانستی یێ نێڤدەولەتی دگەل زانکۆیا دهۆک/کولیژا زانستێن مرۆڤایەتی ل دور(ئێزدی: ئایین ، مێژوو ، کەلتوور ، جوگرافیا) ب پشتەڤانی و چاڤدێریا رێزدار(مەسرور بارزانی) سەرۆکێ حکومەتا هەرێما کوردستانێ ل نیسانا 2025.
۱۱- پشتی هێرشا تیرۆرستێن داعش و فەرمانا ئێزدیان ل شنگال بنگەهێ لالش هاریکاریێن باش پێشکێشی ئاوارەیان کرن و گەهاندینه هەر جۆرە هاریکاریەکێ ب هەڤکاری دگەل دەزگەهێ خێرخوازیێ بارزانی ل کەمپا و ژدەرڤەی کەمپا.
۱۲-پشتەڤانیا دارایی یا هەیڤانە یا سەرۆکێ حکومەتا هەرێما کوردستانێ رێزدار(مەسرور بارزانی) ژبۆ رزگاربوویێن ئێزدیان ژ دەستێ داعش کو نێزیکی سێ هەزار و پێنج سەد رزگاربوویان مفایێ ژێ دبینن
١٣- پێشخستن و پێشڤەبرنا کەنالێ sema کو یەکەم کەنالێ ئێزدیان ل نێزیک دێ ب شێوەیەکی فەرمی هێتە ڤەکرن.
١٤-بەردەوامی دان ب دەرئێخستنا گوڤارا (لالش) کو گۆڤارەکا وەرزانەیە ب هەرسێ زمانێن کوردی، عەرەبی، ئینگلیزی دهێتە وەشاندن.
١٥- راگەهاندنا لالش رۆلەکی دیار هەیە ژبۆ گەهاندنا پەیام و و دەنگێ ئێزدیان ب جیهانێ وەکو رۆژنامەیا دەنگێ لالش و سایتێ لالش و تۆرا لالش.
تُتاح هذه الصورة أيضا في: کوردی
