تۆرا لالش
ل رێكه‌فتی 28/3/2025ێ، ل ژێر سه‌رپه‌رشتی و پشته‌ڤانیا نڤیسینگه‌ها لالش مه‌هه‌تێ چالاكی و روونشتنێن ڤه‌كری ل دۆر پاراستنا كلتوور و فلكلۆر و پێكڤه‌ژیانا ده‌ڤه‌رێ كو بۆ ماوه‌یێ هه‌فتییه‌كێ د به‌رده‌وام بوون ب داوی هاتن.
ل دۆر ڤێ چالاكیێ مه‌هدی حه‌سه‌ن به‌رپرسێ نڤیسینگه‌ها لالش مه‌هه‌تێ دا دیاركرن: میرات ب تنێ كه‌ڤناتی نینه به‌لكو پرەكه د ناڤبەرا بۆری و نۆكه‌دا، و هه‌روه‌سان پاراستنا میراتێ باب و كاڵان و به‌هایێن پێكڤه‌ژیانێ ب واتایا ناسنامەیەكا زێندییه، و هه‌روه‌سان ئێك ژ ئارمانجیێن ڤان چالاكی و روونشتنان به‌لاڤكرنا هشیاریا ره‌وشه‌نبیرییه دناڤ گه‌نجان دا، چنكو گه‌نج و نڤشێن داهاتی د كارن ب بن پارێزڤانێن میراتی و ناسنامەیا كلتووری و به‌هایێن پێكڤه‌ژیانێ.
گۆتژی: چالاكی و روونشتن ل ژێر ناڤونیشانێ (پرا كلتوور و فلكلۆری دناڤبه‌را وه‌لاتییان دا ل سه‌رده‌مێ بۆری و نهۆ) بۆ ماوێ چار رۆژان د به‌رده‌وام بوون و هه‌ر رۆژ ل ده‌مژمێر 3ێ هه‌تا 5ی ئێڤاری بۆ ماوێ دوو ده‌مژمێران ل هۆلا لالش ل مه‌هه‌تێ چالاكی و رووشنتن د به‌رده‌وام بوون و پشكداران به‌رده‌وام مفا ژ چالاكی و روونشتنان وه‌ردگرتن.
به‌رپرسێ نڤیسینگه‌هێ ئاشكه‌راكر: ئێك ژ برگه‌یێن چالاكییان وۆركشۆپ بوون و بۆ زارۆكان دهاتنه پێشكێشكرن و تێدا كه‌لوپه‌لێن كه‌ڤنار یێن ناڤمالێ هاتنه نیشاندان و هه‌روه‌سان ب یاریا “پازیل” بورجێ ئیڤلێ فه‌ره‌نسا ناسین، و زارۆك و هه‌موو پشكدار د دلخۆش بوون، هه‌روه‌سان چه‌ندین ڤیدیۆ ل دۆر میرات و به‌هایێن پێكڤه‌ژیانێ دهاتنه پێشكێش كرن و ئاماده‌بوویان به‌رده‌وام مفا ژێ وه‌ردگرتن.
دیار ژی كر: د ناڤ چالاكیێ دا خانما مریه‌م مازن پشكدار ب نڤیسینا مێخ ئانكو نڤیسینا مسماری ئاشنا دكرن و پشكداران په‌یڤا عه‌سمان ل سه‌ر حه‌رییێ چێدكرن ئارمانج ژی داكو ب شارستانیه‌تێن كه‌ڤن ئاشنا ب بن و هه‌روه‌سان ناڤهاتیێ قوناغێن گه‌شه‌سه‌ندنێ ژی به‌حس دكرن.
مه‌هدی حه‌سه‌ن گۆت: ل داویێ ژی ڕاهێنه‌ر و هه‌موو پشكدار ب خه‌لات و دیارییان هاتنه خه‌لاتكرن و ژبه‌ر ئه‌نجامدانا ڤان چالاكییان و خزمه‌تكرنا ده‌ڤه‌رێ ژ ئالیێ ره‌وشه‌نبیری ڤه پشكداران سپاسیا نڤیسینگه‌ها مه كر.
تُتاح هذه الصورة أيضا في: کوردی
