تۆرا لالش
ل ژێر درۆشمێ ئافرەت هێز، داهێنان و ئیرادەیە، ل رێککەفتی 7/3/2025 و ب ئامادەبوونا جەماوەرەکی زۆر، و بۆ ساخکرن و گرنگیدان ب ئافرەتان کو ئەگەرن بۆ پێشخستنا جڤاکان ب تایبەت جڤاکێ مە، کو ئافرەت تێدا هێزە و ب ئیرادەیا خۆ دکارت داهێنانێ بکەت، بنگەهێ لالش تایێ شاریا ب هەڤکاری ل گەل رێکخراوا JRS و رێکخراوا ئێمە رابوون ب ساخکرنا رۆژا جیهانییا ئافرەتان ب چەندین بڕگەیێن جۆراوجۆر ل هۆلا لالش ئێک ل بنگەهێ لالش تایێ شاریا.
ل دەستپێکێ پەیڤا بخێرهاتنێ ژ ئالیێ بەرپرسێ بنگەهێ لالش تایێ شاریا دلگش سلیم ڤە هاتە پێشکێشکرن و تێدا ب خێرهاتنا ئامادەبوویان کر و ڕۆلێ ئافرەتان د جڤاکاندا بلند نرخاند.
پاشان پەیڤەک ژ ئالیێ سەرۆکێ دەستەیا بلندا بنگەهێ لالش سه‌عید جردۆ ڤە هاتە پێشکێشکرن و تێدا بەحسێ گرنگیا ڕۆلێ ئافرەتان کر و پشتەڤانیا خۆ وەکو دەستەیا بلند یا بنگەهێ لالش بۆ ئافرەتان دووپاتکر.
پاشان ڕوونشتنەک هاتە ڕێکخستن تێدا سمینارەک هاتە پێشکێشکرن ل دۆر گرنگیا ساخکرنا ڕۆژا جیهانی یا ئافرەتان و تەندورستیا دەروونی یا ئافرەتان ژلایێ دکتۆرا زانکۆیا زاخۆ د.جیهان تێدا تەکەز ل رول و یەکسانیا ئافرەتێ کر دئاڤاکرنا جڤاکی دا و گرنگیا هەبوونا ئافرەتێ د جهێ بریارێ دا و تەندورستیا دەروونی و گرنگی و ئەگەر و ئاستەنگێن دکەفنە د پێشیا واندا .
هەروەسا سمینارەک بۆ دلڤین خەلەف ئەنداما سکرتاریەتا ئێکەتیا ئافرەتێن کوردستانێ هاتە پێشکێشکرن و تێدا بەحسێ ڕۆلێ ئافرەتێن کوردستانێ هاتە کرن د هەموو بواراندا ب تایبەت ئافرەتا سەرکردە د جڤاکیدا و ڕۆلێ ئافرەتا ئێزدی بلند نرخاند د هەر تەحەدیاتەکێدا.
هەروەسا چەندین ستران هاتنە گۆتن ژ ئالیێ گڕۆپێ ئەزدا یێ مۆزیکێ ڤە، کو چالاکی ب ڕەوشتر لێ کر و کەشەکی جودا دا ڤێ ڕۆژێ دا سازكر.
ل پشتڕە بتر ژ 200 گولێن سروشتی ل سەر ئامادەبوویان هاتنە پارڤەکرن و ئەڤە ژی بوو ئەگەرێ دلخۆشیا وان د چالاکیێدا.
ل داویێ ژی چەندین کارت ب شێوەیێ بەریکانە ل سەر ئامادەبوویان هاتنە بەلاڤکرن.
ل پانەلێ داویێ ژی چەندین کارێن دەستی کو ژ ئالیێ چەن کچێن بەهرەمەند و خودانشیان هاتبوونە دورستکرن ل باخچەیێ بنگەهێ لالش تایێ شاریا هاتنە پێشاندان.
برێڤەبرنا پانەڵان ژلایێ ئەنداما بنگەهێ لالش تایێ شاریا رۆژنامەڤان جمیلا حازم دهاته ب رێڤه‌برن.
تُتاح هذه الصورة أيضا في: کوردی
