تۆرا لالش
پەیمانگەها ئافرەتا سەرکردە ب هەڤکاری ل گەل بنگەهێ لالش تایێ شاریا و کۆربەندێ ئافرەتێن کەمینەیان ل هولا لالش( 1 ) ڕابوون ب ئەنجامدانا پرۆژێ بهێزکرنا وەکهەڤیێ دناڤبەرا هەردوو ڕەگەزاندا د یاسایا ڕەگەزنامەیا عیراقی دا ئەوژی ب ئەنجامدانا خۆلەکێ بۆ ( 20 ) كچێن کۆمەلگەها شاریا ل ژێر ناڤێ بهێزکرنا وەکهەڤیێ دناڤبەرا هەردوو ڕەگەزاندا د یاسایا ڕەگەزنامەیا عیراقی دا.
د ڤێ وۆرکشۆپێ دا باس ل گرنگیا ڕەگەزنامەیا عیراقی هاتە کرن و نەبوونا ڕەگەزنامەیا عیراقی چەند کارتێکرنا خۆ هەیە ژ لایێ یاسایی ڤە، هەروەسا گەلەک نموونەیێن کەتواری ژی هاتنە گەنگەشەکرن، ئەگەر هاتوو ژنەک ژ وەلاتەکی دی بت و زەلام عيراقى بت دڤی حالەتی دا زارۆک بۆ کێ دکەڤن یان بەرۆڤاژی هندێ زەلام ژ وەلاتەکی دی بت و ژن عيراقى بت، پاشان بۆچونێت بەشداربوویان بەرچاڤ هاتن وەرگرتن.
ل داویێ چەند کارتێن کورەک ب سەر ئامادەبوویان دا هاتنە دابەشکرن.
هەژی یە بێژین کو ئەڤ وۆرکشۆپ ژ لایێ پارێزەرا هێژا خانم سوزان خودێدا هاتە گوتن.
تُتاح هذه الصورة أيضا في: کوردی
