بنگەهێ لالش تایێ شێخان بەشداری د ۆرک شوپا پێشئێخستنا پێكڤەژیانێ و ئاشتیێ دا کر
تۆرا لالش
ل رۆژانێن(6تا9 ئەیلولا ٢٠٢٤ێ)، رێکخراوا ئاشتی و ئازادی کوربەندەکێ ئاینی یێ گرنگ ل پارێزگەها دهوکێ ئەنجام دا، ئەڤ چالاکییه ب مەرەما پێشئێخستنا پێكڤەژیانێ و ئاشتیێ و پاراستنا شینوارێن ئاینی یێن ل قەزا شێخان هاتە رێکخستن.
شاندەکێ بنگەهێ لالش شێخان، دگەل کۆمەکا کەسێن ئەکادیمی، سەرپەرشتیارێن پەروەردەیێ، رێڤەبەرێن قوتابخانان و پارێزەران ژ دەڤەرا شێخان د ڤێ ۆرک شوپێ دا بەشدار بوون.
ڤێ ۆركشۆپێ گرنگیەکا تایبەت ددەتە پرسا پێکڤەژیانا ئاینی و پاراستنا کەلەپوورێ هه‌مه‌ره‌نگێ دەڤەرێ، هەروەسا، ئەڤ چالاکییه دبتە دەلیڤەیه‌ک بۆ گهۆرینا بیر و بۆچوونان د ناڤبەرا پشکدارێن ژ پیشە و ئاینێن جودا، ب ئارمانجا ئاڤاکرنا کۆمەلگەهەکا پتر یەکگرتی و ئاشتیخواز.
بنگەهێ لالش شێخان، ب ڤێ بەشداریێ، جارەکا دی پابەندیا خۆ یا بەردەوام بۆ پێشئێخستن و پاراستنا کەلتوورێ پێکڤەژیانێ ل دەڤەرێ نیشان دا.
تُتاح هذه الصورة أيضا في: کوردی
