شانده‌كێ زانكۆیا گه‌رمیان سه‌ره‌دانا په‌رستگه‌ها پیرۆزا لالش كرن
تۆرا لالش
ل رێكه‌فتی 6/9/2024ێ، پێنج مامۆستایێن زانكۆیێ ژ ده‌ڤه‌را گه‌رمیان (مامۆستا عومه‌ر، كانی، نورا، مینا و هاوژین) سه‌ره‌دانه‌كا زانستی و كه‌لتوری بۆ په‌رستگه‌ها پیرۆزا لالش ئه‌نجام دا، ئه‌ڤ سه‌ره‌دانه د چارچۆڤێ پرۆژه‌یه‌كه‌كێ لێكۆلینێ یێ زانكۆیێ دا هاتبوو رێكخستن ئه‌وژی ب مه‌ره‌ما ناسین و تۆماركرنا كه‌لتور و دیرۆكا ئۆلا ئێزدیان.
به‌رپرسێ نڤیسگه‌ها په‌رستگه‌هێ لوقمان سلێمان، ب گه‌رمی پێشوازی ل مامۆستایان كر و كورته‌یه‌ك ل سه‌ر دیرۆكا په‌رستگه‌هێ و گرنگیا وێ بۆ ئێزدیان پێشكێش كر.
پاشان، مامۆستایان گه‌ریانه‌كا به‌رفره‌هـ ل ناڤ په‌رستگه‌هێ كر و مامۆستایان ته‌ماشه دكرن كا چاوا ئێزدی رێ و ره‌سمێن روژانه ل لالشێ ئه‌نجام دده‌ن.
ئه‌ڤ سه‌ره‌دانه نه تنێ ده‌رفه‌ته‌ك بو بۆ زێده‌كرنا زانینێ، لێ هه‌روه‌سا گاڤه‌كا گرنگ بو بۆ ئاڤاكرنا پرێن تێگه‌هشتنێ د ناڤبه‌را جڤاكا ئه‌كادیمی و كۆمه‌ڵگه‌ها ئێزدی دا، هه‌می ئالی ل سه‌ر گرنگیا به‌رده‌وامبونا ڤی جۆره هه‌ڤكاریان رازی بوون و هیڤیا خوه ده‌ربڕین كو ئه‌ڤ سه‌ره‌دانه ببیته ده‌ستپێكا هه‌ڤكاریه‌كا درێژخایه‌ن د ناڤبه‌را زانكۆیێ و جڤاكا ئێزدی دا.
تُتاح هذه الصورة أيضا في: کوردی
