تۆرا لالش
ل رۆژا شەمبوویێ رێککەفتی 18-10-2025ێ، ب حازر بوونا نوونەرێ دەستەیا بلند یا بنگەهێ لالش بەرێز (ناصر جوكى شريف) و نوینەرێن لێژنا ناوچە ئەلقوش (P.D.K) کاک (خلات خدر) کارگێرێ رێکخستنا لێژنێ و خانم (سۆزان الیاس) کارگێرا جەماوەریا لێژنێ و بەرێز (رضوان) جێگیرێ ئاسایشا ئەلقوش و چەندین ریهسپی و رەوشەنبیر و ماموستاێن گۆندی، د ڕێوره‌سمه‌كێ دا لژێر سه‌رپه‌رشتیا نڤیسینگه‌ها لالش بێبان مامۆستایێن خانه‌نشینكری و قوتابیێن سەرکەفتيێن ئێکێ و دووێ ل سەر ئاستێ پۆلێن قوتابخانێن گوندێ بێبانێ هاتنه خه‌لاتكرن.
ل ده‌ستپێكێ ئاماده‌بوويى خۆله‌كه‌كێ ڕاوستیان ل سەر گيانێ جانگۆریێن کورد و کوردستانێ و سەرکێشێ وان بارزانیێ نەمر و كاك ئیدریسێ جوان مەرگ.
پاشى چەند پەیڤ هاتنە پێشكێشكرن و تێدا پيرۆزباهى و ده‌ستخۆشى ل قوتابيێن سه‌ركه‌فتى كرن و هيڤيا سه‌ركه‌فتنێ بۆ خواستن و هاتنه خه‌لاتكرن، هه‌روه‌سان خه‌لاتێن رێزلێنانێ پیشكێشی مامۆستایێن خانه‌نشینكری هاتنه كرن به‌رامبه‌ر كه‌د و خزمه‌تا وان یا پێشكێشی خه‌لكێ خۆ و كه‌رتێ په‌روه‌ردێ كری.
تێ زانین ژمارا قوتابیێن هاتینه خه‌لاتكرن (34) بوون و مامۆستایێن خانه‌نشینكری ژی (6) بوون، ل داویێ مامۆستا و قوتابیێن سه‌ركه‌فتی و خه‌لكێ ده‌ڤه‌رێ رۆلێ نڤیسینگه‌ها لالش بێبان بلند نرخاند و دانه دیاركرن نڤیسینگه‌ها ناڤبری به‌رده‌وام خزمه‌تا كه‌رتێ په‌روه‌ردێ ل ده‌ڤه‌رێ دكه‌ت.
تُتاح هذه الصورة أيضا في: کوردی
