ب هه‌لكه‌فتا ده‌ربازبوونا 11 ساڵا ل سه‌ر جینۆسایدكرنا ئێزدىان ژلایێ تیرۆرستێن داعش، ئيڕۆ سپێدێ ڕۆژا ئێك شه‌مبوويێ 3ى ته‌باخا2025 ێ ل هۆلا كۆنفرانسان، ب ئاماده‌بونا نوونه‌رێ ڕێزدار”مه‌سرور بارزانى” سه‌رۆكێ حكومه‌تا هه‌رێما كوردستانێ، د.رێبه‌ر ئه‌حمه‌د، وه‌زیرێ ناڤخۆ و د.عه‌لى ته‌ته‌ر، پارێزگارێ دهۆكێ و به‌رپرسێن مه‌كته‌بێن رێكخستنێن پارتى ل پارێزگه‌هێن دهۆك ونه‌نینه‌وا وهاریكارێن وان وبه‌رپرسێن لقێن پارتى ل دهۆك وموسل و بابێ شێخ و نوونه‌رێ میرێ ئێزدیان وكونسلێ فه‌له‌ستینێ وچه‌ند به‌رپرسێن حزبى وئیدارى وكه‌سوكارێن قوربانیان، ڕێوره‌سمێن بیرئینانا (11) ساڵیيا جینۆسایدا ئێزدیان ل شنگالێ ژلایێ بنگه‌هێ لالش هاته ساخكرن.
ل به‌راهیێ 11 شه‌مالك ژلایێ كچێن ڕزگاربووى ژ ده‌ستێ داعش هاتنه هه‌لكرن پاش په‌یڤا بنگه‌هێ لالش ژلایێ سه‌عید جردۆ، سه‌رۆكێ بنگه‌هى ڤه هاته خووندن.
ل دووڤدا په‌یڤێن پارێزگارێ دهۆكێ و نونونه‌رێ سه‌رۆكێ حكومه‌تا هه‌رێما كوردستانێ هاتنه خووندن وسه‌ره‌خۆشى و پێزانین گه‌هاندنه كه‌سوكارێن قوربانییان و ئه‌ڤ تاوانا مه‌زن مه‌حكوم وشه‌رمزار كر وداخاز كرن بكه‌رێن ڤێ تاوانا هۆڤایه‌تى بێنه دادگه‌هكرن و حكومه‌تا عێراقێ دانپێدانێ ب جینۆسایدێ ل دژى ئێزدیێن شنگالێ بكه‌ت و قه‌ره‌بوویا خه‌ێكێ زه‌ره‌مه‌ند بكه‌ت و رێككه‌فتنا شنگالێ بجهبینن وده‌ڤه‌را شنگالێ ئاڤه‌دانكه‌ن، دا خه‌ڵكێ ئاواره بكارن ب ئارامى قه‌ستا سه‌ر جهـ و وارێن خۆ بكه‌ن و سوپاسیا رێزداران سه‌رۆك بارزانى وسه‌رۆكێ هه‌رێما كوردستانێ و سه‌رۆكێ حكومه‌تا هه‌رێما كوردستانێ وهێزێن پێشمه‌رگێ كوردستانێ وهه‌ڤپه‌یمانیا نێڤده‌وڵه‌تى و رێكخراوێن خێرخواز و خه‌ڵكێ كوردستانێ وپارێزگه‌ها دهۆكێ وزاخۆ كرن، هه‌مبه‌ر ئه‌و هاریكاریێن مرۆڤایه‌تى یێن پێشكێشى هه‌موو ئاواره‌یان و لێقه‌ومیا كرین.
پاش فلمه‌كێ دیكیۆمێنتارى ل دۆر ڕۆژانێن جینۆسایدێ هاته نیشادان و په‌یڤا رڕزگابویێن ژده‌ستێ داعش هاته خووندن.
ل داویێ پێشانگه‌هه‌كا وێنێن جینوسایدێ هاته به‌رچاڤكرن.
ئيڕۆ 11 ساڵ بسەر جينۆسايدا ئێزدیان ده‌ربازبوون؛ د هێرشا ڕێکخراوا داعش يا تيرۆرستى دا بۆ سەر شنگالێ ل 3ـی ته‌باخا ساڵا 2014، داعش ئێزدی جينۆسايدكرن و شەش هەزار و 417 کەس ڕه‌ڤاندن. هه‌تا نوكه سێ هەزار و 591 ئێزدی ژ دەستێن داعش هاتينه ڕزگارکرن و چارەنڤيسێ دوو هەزار و 500ـی كه‌سێن دى يێ ديارنينه و بزاڤێن ڕزگاركرنا وان دئێنه كرن.
تُتاح هذه الصورة أيضا في: کوردی
