تۆرا لالش
ل رێکەفتی 31.7.2025 ل ژێر سەرپەرشتی و پشتەڤانیا بنگەهێ لالش تایێ سنوونێ قەهرەمانیەکا تەپاپێ ل كۆمه‌لگه‌ها شاریا ب داوی هات.
تێ زانین (٢٠) رۆژان ئەڤ قەهرەمانیە یا بەردەوام بوو، و (٢٨) تیمێن وەرزشی ژ پتریا دەڤەرێن ئێزدیان و ژ کەمپێن ئاوارێن شنگالی د پشکدار بوون.
ل رۆژا پێنجشەمبوویـێ ل رێکەفتی 31/7/2025، ب ئامادەبوونا کۆمەکا کەسێن وەرزشڤان و کارگێری و زارۆکێن سێوی یێن مالا به‌شیر کوریە یا سێویان، یاری دناڤبەرا تیمێن کۆسا و زەعیم هاتە ئەنجام دان.
بەری یاریێ دەستپێبکەت یاریزان و ئامادەبوویی دەقیقەکەکێ ژ بۆ گیانێ شەهیدان و سەروەرێ وان بارزانیێ نەمر و کاک ئەدریسێ هەردەم ساخ و شەهیدێن جێنوسایدا فرمانا 3.8.2014 یا ئێزدیان راوەستیان، و هەروەسان وێنەیێن جینوسایدا ئێزدیان هاتنە بلند کرن.
دووڤدا، یاریەکا گه‌رم و ب هێز د ناڤبەرا تیما کۆسا کو یاریزانێن وان ژ هەردوو ئاینێن ئێزدی و موسلمانان پێکهاتبوون و تیما زەعیم دەستپێکر.
تیما زعيم کاری ل سەر کیستێ تیما كوسا سەرکەفتنێ تۆمار بکەت و کاسا قەهرەمانیێ ب دەست خۆڤە بینت.
ل داویێ كاسا ئێكێ و دووێ پێشكێشی تیمێن سه‌ركه‌فتی یێن ئێكێ و دووێ هاتنه كرن، و باشترین یاریزان و گۆلچی و گۆلكار دگه‌ل ده‌سته‌یا دادڤانان هاتنه خه‌لات كرن، و سوپاسیا تایێ سنوونێ كرن و رۆلێ وی تایی د پێشخستنا وه‌رزشێ ل هه‌موو ده‌ڤه‌رێن ئێزدیان دا بلند هاته نرخاندن.
تُتاح هذه الصورة أيضا في: کوردی
