جڤاتا وەزیرێن هه‌رێما كوردستانێ، نڤيساره‌ك بۆ خواندن و وه‌رگرتنا ڕزگاربوويێن ئێزدى ژ ده‌ستێ تيرۆرستێن داعش ل زانكۆ و پەیمانگه‌هێن هه‌رێمێ ئاراسته‌ى وەزارەتا خواندنا بڵند كر.
چارشه‌مبوويێ 23ـی ته‌مموزا 2025، جڤاتا وەزیرێن هه‌رێما كوردستانێ، نڤيساره‌ك بۆ وه‌رگرتنا ڕزگاربوويێن ئێزدى ئاراسته‌ى وەزارەتا خواندنا بڵند كر و تێدا هاتييه؛ ب مەبەستا ئاسانکاریێ بۆ ڤەگەڕیان و بەردەوامیدان ب پرۆسێسا خواندنێ بۆ ڕزگاربوویێن ژ دەستێ تیرۆرستێن داعش ب تایبەت (ڕزگاربوویێن ئێزدی) یێن ناڤێن وان ل لیستا ڕزگاربوویان هاتینە تۆمارکرن، ل سەر فەرمانا ڕێزدار مەسرور بارزانی، سەرۆکێ حکومەتا هەرێما کوردستانێ، کارێن پێتڤی ئەنجام بدەن:
– دياركرنا چارچووڤه‌يه‌كى بۆ وه‌رگرتنا ڕزگاربوويێن ژ ده‌ستێ تيرۆرستێن داعش ل گشت زانكۆ و په‌يمانگه‌هێن هه‌رێما كوردستانێ ل قۆناغێن خواندنا سه‌ره‌تايى و خواندنا بڵند و پێشكێشكرنا ئاسانكاريێن گونجايى بۆ ڕاچاڤكرنا ئاستێ زانستى.
– لێخۆشبونا وان ژ کڕێیا خواندنێ (پاراڵێڵ) ل هەموو زانکۆ و پەیمانگەهێن سەر ب وەزارەتێ ڤه.
-مفادارێن هەردوو خالێن سەری بتنێ ئەوان ڕزگاربوویان ڤەدگرت یێن ناڤێن وان د لیستا ڕزگاربوویان دا ل بەردەست ژ ئالیێ لایەنێ پەیوەندیدار یێن حکومەتێ ناڤێن وان ل تۆمارێ یە.
ب گۆڕه‌ى فەرمانا ڕێزدار مەسرور بارزانی، ڕزگاربوويێن ئێزدی، ل زانكۆ و پەیمانگه‌هێن (ئەهلی) يێن هەرێما كوردستانێ، چ پاره‌يان ناده‌ن و حكومەت دێ كرێیا خواندنێ دابين كه‌ت.
بۆ وەرگرتنا ڕزگاربوويان ل زانكۆ و پەیمانگه‌هان و ل خواندنا بڵند (دبلۆما بڵند، ماستەر و دكتۆرا)، ئاسانكاری دێ ئێنه كرن.
ل سەر فەرمانا ڕێزدار مەسرور بارزانی، ماوه‌يێ ساڵه‌كێ يه ڕزگاربوويێن ئێزدی ژ دەستێ داعش، هه‌يڤانه مينحەیا دارایى پێ دئێته دان ، كو هه‌تا نوكه ئەو مينحەيا دارایى بۆ (٣٥٧٥) ڕزگاربوويێن ژ دەستێ داعش به‌رده‌وامه، كو كچ و كوڕ، زارۆك و كال، ئافرەت و زه‌لامان بخۆڤه دگرت.
رزگاربووى ل هەر جهه‌كێ دنيايێ بن ل (كوردستان، عێراق و وه‌ڵاتێن دى) دكارن مفادار بن ژ ڤێ مينحه‌يێ.
بنگه‌هێ لالش يێ ڕه‌وشه‌نبیری و كۆمەڵایەتی، د ماوێ سێ ساڵاندا چەندین پڕۆژە بۆ خزمەتكرنا ڕزگاربوويان، ئاراستەی ڕێزدار مەسرور بارزانی كرينە، ب خۆشحالی ڤه ڕێزدار مەسرور بارزانی، ڕەزامەندی ل سەر هه‌موو داخوازيان كريه.
سەرۆكێ حكومەتا كوردستانێ، فەرمان دايه بۆ خزمەتكرنا زێده‌تر يا (زانستی و ڕه‌وشه‌نبیری، پەروەردەیی، دەروونی و كۆمەڵایەتی بۆ ڕزگاربوويێن ئێزدی).
تُتاح هذه الصورة أيضا في: کوردی
