تۆرا لالش
ته‌رمێ كه‌ریم سلێمان، وه‌زیرێ به‌رێ یێ ناڤخۆیا هه‌رێما كوردستانێ ب رێكا فرۆكخانا نیڤده‌وله‌تی یا هه‌ولێرێ گه‌هشته هه‌رێما كوردستانێ و ل پیرمام دێ ب ئاخێ ئێته سپارتن.
ئیرۆ ل رێكه‌فتی 11/6/2025ێ، ته‌رمێ كه‌ریم سلێمانی ژ ئیماراتێ هاته ڤه‌گوهاستن بۆ هه‌رێما كوردستانێ و ژ ئالیێ سه‌رۆك بارزانی و مه‌سرور بارزانی سه‌رۆكێ حكومه‌تا هه‌رێما كوردستانێ و ژماره‌یه‌كا به‌رچاڤا به‌رپرسێن حكومی و حزبی ل ئاستێن بلند پێشوازی لێ هاته كرن.
سه‌رۆك بارزانی د مه‌راسمیا پێشوازی كرنێ دا گۆت: ئیرۆ بۆ مه رۆژه‌كا پری ب زه‌حمه‌ته ژبه‌ركو مه هه‌ڤاله‌كێ دلسۆز و گه‌له‌ك نێزیك و برایه‌كێ گه‌له‌ك هێژا مه ژ ده‌ستدایه، كاك كه‌ریم هه‌ر ژ ته‌مه‌نێ زارۆكینیێ دا خوه ب كوردایه‌تیێ پێگه‌هاند بوو، ل وی ده‌مێ قوتابی بوو ل كۆلیژا یاسایی ل به‌غدا ئه‌ندامه‌كێ چالاك یێ پارتی دیموكراتی كوردستان بوو، پشتی رێككه‌فتنا 11ـی ئادارێ ژی گه‌له‌كێ گه‌نج بوو وه‌ختێ زانكۆ ته‌مام كری، هه‌روه‌سان سه‌رپه‌رشتیا پرۆسه‌یه‌كێ كربوو كو یا تایبه‌ت بوو ب شه‌هیدێن ئه‌یلولێ ڤه، و د رۆژێن ته‌نگاڤیان دا ئه‌ز شاهدێ تێكۆشان و وه‌فاداری یا ڤی برایی مه، سه‌ره‌خۆشیێ ل كه‌سوكاران دكه‌م، لێ به‌ری وان سه‌ره‌خۆشیێ ل خۆ دكه‌م جهێ وی به‌هشته ئیشه‌لله، مرن رێكه‌كا حه‌قه، هه‌ر كه‌سه‌ك و رۆژا خۆ، و خودێ ڤی ملله‌تی ب پارێزت و كوردستان هه‌ر ئاڤه‌دان بت، خه‌باتكارێن وه‌كی كاك كه‌ریمی هه‌رده‌م د خزمه‌تا وه‌لاتێ خۆ دانه.
عەبدولکەریم سوڵتان عەبدوڵڵا، ناسكری ب کەریم شنگالی، ل ساڵا 1950 یێ ژ دایکبووی و پێشمەرگەهێ شۆڕشێن ئەیلوول و گوڵانێ بوویە، ل کابینه‌یێن چار، پێنج، شەش، هەفت و هەشت یێن حكومه‌تا هەرێما کوردستانێ وەزیرێ ناڤخۆ بوویه، دوهی سێشه‌مبێ د تەمەنێ 75 ساڵیێ دا ژبه‌ر نه‌خۆشیێ وه‌غه‌را داویێ كر.
تُتاح هذه الصورة أيضا في: کوردی
