تۆرا لالش
ل رێكه‌فتی ۲۷/٥/٢٠٢٥ شانده‌كێ بنگه‌هێ لالش یێ ره‌وشه‌نبیری و كۆمه‌لایه‌تی یێ تایێ شێخان ل هه‌ولێرا پایته‌خت پشكداری وۆركشۆپه‌كا پێكڤه‌ژیانێ بوون.
تێ ئه‌ڤ وۆركشۆپه ژلایێ رێكخراوا ئاشتی و ئازادی هاتبوو رێكخستن و ماوێ رۆژه‌كێ یا به‌رده‌وام بوو و پشكدار ژ هه‌موو ئاینێن هه‌رێما كوردستانێ بوون، و ژ چه‌ندین برگه‌یێن ره‌وشه‌نبیری یێن جۆراو جۆر پێكدهات كو هه‌موویان ده‌ربرینه‌كا گه‌له‌ك یا باش ژ پێكڤه‌ژیان و ره‌هه‌ندێن وێ دكر.
هه‌روه‌سان ژ ئالیه‌كێ دن ڤه ته‌كه‌زی ل گرنگیا پاراستنا ره‌هه‌ندێن پێكڤه‌ژیانێ هاته‌كرن و هاته دیاركرن هه‌رێما كوردستانێ ب مالا پێكڤه‌ژیانێ دهێته ناسكرن ل رۆژهه‌لاتا ناڤه‌راست.
ل داویێ رێكخراوا ناڤبری خه‌لاتێن رێزلێنانێ پێشكێشی ئاماده‌بوویان كرن و پشكداران ژی كه‌یفخوه‌شیا خوه بۆ ڤێ وۆركشۆپێ دانه دیاركرن و سپاسیا رێكخراوێ كرن.
تُتاح هذه الصورة أيضا في: کوردی
