تۆرا لالش
ده‌قێ په‌یامێ:
بەڕێزان سەرۆك و ئەندامێن دەستەیا بلند یا بنگەهێ لالش یێ رۆشەنبیری و جڤاکی، ب هەلکەفتنا ٣٢ مین ساڵڤەگەڕا دامەزراندنا بنگەهێ لالش یێ ڕۆشەنبیری و جڤاکی، گەرمترین پیرۆزباهیان ل هەوەیێن هێژا و تەڤایا خویشك و برایێن کوردێن ئێزدی دکەین.
هیڤیدارم وەك هەمیشە بەردەوام بن ل سەر کار و چالاکیێن خوە بۆ خزمەتکرنا بنەمایێن رەسەنێن کەلتووری و ڕۆشەنبیری و جڤاکی یێن خوشك و برایێن ئێزدی و پتر خورتکرنا گیانێ برایەتیێ و لێبوردەییێ و پێکڤەژیانێ د ناڤ چین و توێژێن جڤاکێ کوردستانێ دا.
بنگەهێ لالش، وەك ئێکەم دەزگەهێ رۆشەنبیری و جڤاکی ل سەر دەستێ دەستەبژێرەکا رۆشەنبیرێن کوردێن ئێزدی ل ١٢/٥/١٩٩٣ ب پشتەڤانیا پارتی دیموکراتی کوردستان، ل دهۆکێ هاتە دامەزراندن، هەر ژ وێ ڕۆژێ و هەتا ئەڤرۆ، ب ڕێیا لق و نڤێسینگەهێن خۆ شیایە، خزمەتەکا مەزن د بیاڤێ کەلتووری و دیرووکا کوردێن ئێزدی دا بکەت و وێ بزاڤێ پتر د ناڤ کوردێن ئێزدی دا ڤەژینت.
ب ڤێ هەلکەفتنێ جارەکا دی پیرۆزباهیێ ل هەویێن هێژا دکەین و تەکەزیێ ل پالپشتی و پشتەڤانیا خوە بۆ بنگەهێ لالش و تەڤایا خوشك و برایێن کوردێن ئێزدی دکەین.
پیرۆزبیت ٣٢ مین سالڤەگەڕا دامەزراندنا بنگەهێ لالش و سەرکەفتی بن.
دکتۆر نەوزاد عەبدوللا
بەرپرسێ لقێ ئێکێ پارتی دیموکراتی کوردستان
١٢ گولانێ ٢٠٢٥
تُتاح هذه الصورة أيضا في: کوردی
