تۆرا لالش
لیۆنێل مێسی، ستێرا هه‌لبژارتیێ ئه‌رژه‌نتین و یانه‌یا ئینتەر مەیامی یا ئه‌مریكی، نهێنیێن چۆنا خوه بۆ یانه‌یا ئه‌مریکی د هاڤینا 2023 دا ئاشکرا کر، پشتی گرێبه‌ستا وی دگه‌ل پاریس سان جێرمانا فه‌ره‌نسی ب دوماهی هاتی.
مێسی چه‌ندین بژارده د به‌ر ده‌ستێ وی بوون پشتی ته‌مامبوونا گرێبه‌ستا وی دگه‌ل یانه‌یا فه‌ره‌نسی، ژوان ژی نووکرنا گرێبه‌ستێ دگه‌ل پاریس سان جێرمان، یان ڤه‌گه‌ریانا وی بۆ بارسێلۆنا یان چۆنا وی بۆ هیلالا سعودی یا کو گرێبه‌سته‌كا ئه‌فسانه‌یی پێشکێشی وی یاریزانی کربوو، به‌لێ مێسی ئینتەر مەیامی هه‌لبژارت.
مێسی به‌حسێ شێوازێ یاریکرنا یانه‌یێن خولا ئه‌مریکی کریه و دبێژت، هه‌موو تیپ هه‌ول دده‌ن ب شێوه‌یه‌کی هێرشبه‌ر یاریێ بکه‌ن، هه‌موو دخوازن گۆلان تۆمار بکه‌ن، له‌وما یاری ڤه‌کری دمینن.
ده‌رباره‌ی به‌شداریا ئینتەر مەیامی د مۆندیالا یانه‌یان دا، ئه‌و دبێژت: تشته‌کێ گه‌له‌ک گرنگه بۆ یانه‌یێ و بۆ خولێ ژی، ئه‌ڤه ده‌رفه‌ته‌كا مه‌زنه بۆ دووپاتکرنا گه‌شه‌کرنا قه‌هره‌مانیێ.
مێسی ده‌رباره‌ی ئارمانجێن خوه دگه‌ل یانه‌یا خوه دبێژت، تیپا نوکه هاتیه ئاڤاکرن ژبۆ بده‌ستڤه‌ئینانا نازناڤان، یاریزان ب باشی گونجاینه، له‌وما ئارمانج به‌رده‌وامی و بده‌ستڤه‌ئینانا نازناڤانه، ئه‌م دخوازین هاریکاریا یانه‌یێ بکه‌ین.
مێسی د ده‌مێ یاریکرنا خوه د خولا ئه‌مریکا دا، به‌شداری د 42 یاریێن یانه‌یا خوه دا کریه و 36 گۆل د هه‌موو قه‌هره‌مانیێن یانه‌یان یێن وی وه‌لاتی تۆماركرینه.
تُتاح هذه الصورة أيضا في: کوردی
