تۆرا لالش
ڤه‌كۆلینه‌كا زانینگه‌ها شاندۆنگ ل چینێ ئاشکرا دکەت، شەکرا دەستکرد ئێكه ژ ئەگەرێن زێدەبوونا نەخوەشیێن دلی.
ڤەکۆلین دیار دکەت، ئێک ژ وان شەکرێن دەستکرد یێن کو پتر تێنە بکارئینان ئەسپارتامە، کو 200 جاران ژ شەکرێ شرینترە، کاریگەریێ لسەر سیستەما هەرسێ دکەت و دبتە ئەگەرێ زێدەبوونا مەترسیا توشبوونا نەخوەشیا شەکرێ یا جورێ دوویێ و نەخوەشیێن دل و دەمارێن خوینێ.
د. کریستۆفەر یی، سەرپەرشتیارێ ڤەکۆلینێ دبێژت، ئەڤ ڤەکۆلینە بەلگەیێن گەلەک بهێز دئێختە بەرچاڤ کو بکارئینانا ئەسپارتامێ نە ئێمنە و رێژەیەکا بلند یا نەخوەشیێن دل و دەمارێن خوینێ دناڤ وان کەساندا دهێنە دیتن یێن کو شەکرێن دەستکرد دخۆن.
ل دووڤ به‌رنامێ خوارن و دەرمانان ل ئەمریکا FDA، شەش شەکرێن دەستکرد ‘ئەسپارتام، ساکارین، ئەسیسولفام پۆتاسیۆم، سوکرالۆز، نیۆتام و ئەدڤانتام’ هاتینە پەسەندکرن بۆ بکارئینانێ و ژبلی ژ وێ کو د خوارن و ڤەخوارنێن شرین دا دئێنە ب کارئینان، د گەلەک بەرهەمێن تامدار دا ژی دهێنە دیتن، وەک ژەمێن ئامادەکری و کەچاپ و سۆس و نان.
تُتاح هذه الصورة أيضا في: کوردی
