سهرۆك مهسعوود بارزانى: دهستكهفتێن گهلێ كورد بهرههمێ شۆڕش و خوینا شههیدانه
گاڤ
سهرۆك مهسعوود بارزانى پهیامهك ب ههلكهفتا چل و ههشتهمین سالیادا شۆڕشا گولانێ بهلاڤكر و راگههاند، دهستكهفتێن گهلێ كورد بهرههمێ شۆڕش و خوینا شههیدانه.
سهرۆك بارزانى دبێژیت: شۆڕشا گولانێ قوناغهكا گرنگا دیرۆكى و ئهزموونهكا پڕ بها یا خۆڕاگرى و رابوونا گهلێ كوردستانێ بوو، د رهوشا پشتى نسكۆیێ و ئاوارهبوونێ و ل ژێر فشارێن جودا جودا یێن نهیاران دا ب پلانهكا هویر و باوهریهكا بلند شۆڕشا گولانێ هاته ههلگیرسان، شۆڕشا گولانێ كو ههلگرێ بها و ئارمانجا شۆڕشا مهزنا ئیلۆنێ بوون پهیامهكا رۆهن ب ههموو نهحهزان و نهیارێن گهلێ كوردستانێ دا، كو زێدهبارى بهێزى و ستهمكارییا دوژمنان و ههبوونا پیلانگێریێن جودا جودا، گهلێ كوردستانێ خۆ ب دهستڤهبهرنهدا و گهنجێن وێ ب تێكوشینا خۆ بۆ گۆڕهپانا حهقیقهتا خهباتێ كو ئاخا پیرۆزا كوردستانێ یه ڤهگهڕیان.
سهرۆك بارزانى د چل و ههشتهمین سالیادا شۆڕشا گولانێ دا سلاڤ بۆ گیانێ شههیدێن شۆڕشا گولانێ شههید سهید عهبدوللا حاجى ئۆمهرانى و ههموو شههیدێن كورد و كوردستانێ هنارتن و ئهو تێكوشهڕ و قارهمانه ژى ناهێته ژبیركرن یێن خهباتا پیشمهرگایهتیێ و حزبایهتیێ و خهباتا نهێنى ل ناڤا باژێڕ و د ناڤا ئاوارهیان دا رۆل ههبووى و قوربانى دان، دیرۆك بۆ گهلێ مه دروستكرن.
ههروهسا دازانین ئهو دهستكهفتێن ب دهستڤههاتین بهرههمێ خوینا شههدیان و رهنج و ماندیبوونا گهل و پێشمهرگه و خهباتكارێن شۆڕشا گولانێ و ههموو شۆڕشێن گهلێ كوردستانێ یه.
تُتاح هذه الصورة أيضا في: کوردی