کوردان خۆ ژ کەرنەڤالا نەینەوا ڤەکێشا
گاڤ
نوینەرێن کوردان ل جڤاتا پارێزگەها نەینەوا خۆ ژ کەرنەڤالا وێ پارێزگەهێ ڤەکێشا و ئەگەر بۆ نەبوونا چ بڕگەیێن گرێدایی کوردان د وێ کەرنەڤالێ دا ڤەگەڕاند.
شیروان دوبەردانی، ئەندامێ جڤاتا پارێزگەها نەینەوا راگەهاند: وان پێشتر پارێزگارێ نەینەوا ئاگەهدار کربوو کو پێدڤییە د کەڕنەڤالا بهارێ دا کو کەرنەڤالا سیهـ و حەفتێ یە و بۆ سالا دویێ ل دویڤ ئێکە دهێتە کرن، هندەک بڕگەیێن گرێدایی کوردان هەبن، ژبەر کو کورد دویەم مەزنترین پێکهاتەیا وێ پارێزگەهێ یە، لێ چ بڕگەیێن گرێدایی کوردان د کارنامەیا کەرنەڤالێ دا نینن، لەورا وان وەک نوینەرێن کوردان، خۆ ب رەنگەکێ فەرمی ژ کەرنەڤالێ ڤەکێشا.
دوبەردانی هەروەسا دیارکر: ئەو وەک نوینەرێن پارتی دیمۆکراتی کوردستان، پیرۆزباهییێ ل خەلکێ نەینەوا دکەن کو بۆ سالا دویێ ل دویڤ ئێک کەرنەڤالا بهارێ دهێتە کرن، لێ د هەمان دەم دا، ئەو ژ ڤێ رەفتارا پارێزگەها نەینەوا و رێکخەرێن کەرنەڤالێ ددلگرانن، ژبەر کو ژبلی کوردان، کاکەیی ژی ب رەنگەکێ فەرمی بۆ کەرنەڤالێ نەهاتینە داخوازکرن.
تُتاح هذه الصورة أيضا في: کوردی
