نیسان 15, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

حكوومەتا هەرێما كوردستانێ مامەلەكرن و ئینانا مادەیەكێ قەدەغە کر

حكوومەتا هەرێما كوردستانێ مامەلەكرن و ئینانا مادەیەكێ قەدەغە کر

باسنيوز:

ب ئەگەرێ وێ ئێکێ کۆ مادێ ئەسبستۆس دبیتە ئەگەرێ بڵاڤبوونا شیرپەنجێ، حكوومەتا هەرێما كوردستانێ مامەلەكرن و ئینانا وان كەرەستا قەدەغە کر، كۆ ئەو مادە تێدایە، وەزیرەکێ ژی زەلالکرن دڤی واریدا دا.

ل دیف نڤیسارەکا جڤاتا وەزیرێن هەرێما كوردستانێ، كۆ ژ 4ێ2ێ 2024 دەرچوویە و كۆپییەك دەست (باسنیوز) كەفتیە، ئاماژە ب قەدەغەكرنا مادەیەكێ كریە، كۆ دبیتە ئەگەرێ شیرپەنجێ.

نڤیسارێ پشت ب نڤیسارا وەزارەتا دارایی و وەزارەتا ساخلەمیێ بەستیە، تەکەز کر، كۆ مامەلەكرن و بكارئینانا ماددێ ئەسبستۆس قەدەغە کر.

د نڤیسارەکا وەزارەتا داراییدا، كۆ دەست (باسنیوز) کەفتیە و بۆ جڤاتا وەزیران هاتیە هنارتن، هاتیە: “پشتی دیفچونێن مە وێ پشتراست دكەین، كۆ ماددێ ئەسبستۆس ئەگەرن بۆ تووشبوون ب نەساخیێن شیرپەنجێ، ب تایبەت شیرپەنجا حەفکێ و بوورییا هناڤێ، ژبەرکۆ دڤێت مامەلە پێ نەهێتە کرن و رێك نەهێتە دان بهێتە هاوردە کرن.”

د.سامان بەرزنجی، وەزیرێ ساخلەمییا حکوومەتا هەرێما کوردستانێ بۆ (باسنیوز) راگەهاند: “لسەر ماددێ ئەسبستۆس مە نڤیسار بۆ وەزارەتا ساخلەمییا عێراقێ و جڤاتا وەزیرێن کوردستانێ کریە و تەکەز کریە، کو دێ پشتەڤانییا رێکارێن قەدەغەکرنا ماددێ ئەسبستۆسێ کەین، لسەر ڤێ پرسێ مە چەند نڤیسار کرینە.”

د.سامان بەرزنجی، ئاماژە ب وێ کر: “ماددێ ئەسبستۆس قەدەغەیە، ژبەرکۆ گەلەکا ترسناكە و شیرپەنجێ دروست دکەت، لەورا ل دیف پێوانەسازییا عێراقێ ماددەیەکێ قەدەغەیە و حکوومەتا هەرێما کوردستانێ ژی بۆ پاراستنا ساخلەمییا ولاتییان مامەلەکرن و ئینانا وی قەدەغە کریە.”

ل دیف دیڤچونا (باسنیوز)، ماددێ ئەسبستۆس د کارێ بیناسازیێدا دهێتە بکارئینان. ئەڤ جۆرە ماددەیە د(سەقف سانەویدا) ھەیە، دگەل بورییا پلاستیکی یا مەزرایان و جهێن دەکتیا سارخانادا، هەروەسا د هندەك پێكهاتێن دی یێن نوژداری و كەرستێن ترۆمبێلێ ژیدا هەیە.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi