سه‌رۆك نێچیرڤان بارزانى دێ پشكداریێ د كۆنفرانسێ ئاسایشێ یێ میونشن دا كه‌ت
گاڤ
بۆ پشكداریكرن د كۆنرانسێ ئاسایشا میونشن دا ئه‌ڤرۆ سه‌رۆك نێچیرڤان بارزانى، به‌ر ب ئه‌لمانیا ب رێكه‌فت، گرنگترین مژارێن ناوچێ دێ ل گه‌ل مه‌زنه به‌رپرسێن جیهانێ به‌حس كه‌ت.
سه‌رۆكاتیا هه‌رێما كوردستانێ راگه‌هاند، ئه‌ڤرۆ چارشه‌مبێ 15-2-2024ێ نێچیرڤان بارزانى، سه‌رۆكێ هه‌رێما كوردستانێ به‌ر ب وه‌لاتێ ئه‌لمانیا ب رێكه‌فت و دهێته چاڤه‌ڕێكرن ل گه‌ل سه‌ركرده و به‌رپرسێن بلند یێ وه‌لاتان كۆمبوونێن جودا هه‌بن.
سه‌رۆكایه‌تیا هه‌رێمێ دبێژیت: د چارچۆڤێ كۆنفرانسێ میونشن دا سه‌رۆك نێچیرڤان بارزانى دێ ره‌وشا ئێمناهیێ، گوهۆڕینێن هه‌مبه‌رى ئاسایش و سه‌قامگێریێ ل ئیراقێ، ناوچێ و جیهانێ ل گه‌ل سه‌رۆك و سه‌ركرده‌یێن جیهانێ به‌حس كه‌ت، هه‌روه‌سا دیتنا هه‌رێما كوردستانێ د ڤى وارى دا دێ دیاركه‌ت.
هه‌روه‌سا سه‌رۆكێ هه‌رێما كوردستانێ بۆ به‌رده‌وامیدان ب به‌رهنگاربوونا تیرۆرێ، هاریكاریا هه‌ڤپشك د وارێ ئێمناهى، گرنگیا كارێ پێكڤه، بزاڤ بۆ پاراستنا ئارامى و سه‌قامگێریێ ل ئیراق و رۆژهه‌لاتا ناڤین و دوورخستنا ئالۆزى و مه‌ترسیێن زێده‌تر دێ ل گه‌ل مه‌زنه به‌رپرسێن جیهانێ به‌حس كه‌ت.
تُتاح هذه الصورة أيضا في: کوردی
