پێکهاتەیێن نەتەوەیی و ئاینی یێن کوردستانێ داخازیه‌ك ئاراسته‌ی دادگەها فیدرالییا عێراقێ کر
باسنيوز:
ئەڤرۆ سێشه‌مبی 30ێ 1ێ 2024، جارەکا دی پێکهاتێن نەتەوەیی و ئاینی ل هەرێما کوردستانێ داخاز ژ دادگەها فیدرالیی کر، ل دیف دەستووری بریارێ لسەر کورسییا کۆتایێن پەرلەمانێ کوردستانێ بدەت.
بریارە هه‌فتییا بهێت جارەکا دی دادگەها فیدرالییا عێراقێ کۆمبیت و تایبەت ب پرسا كورسیێن کۆتایان ل هەلبژارتنا داهاتییا هەرێما کوردستانێ و نوێنەرێن وان ل پەرلەمانێ کوردستانێدا، ل دیف وێ سکالایێ کۆ هاتیە کرن گرێدایە ب رێژا کورسییا کۆتایان و سنوورێ جوگرافییا دەنگدانێ ل هەرێما کوردستانێ بۆ کۆتایان.
ئایدن مه‌عرووف، وەزیرێ پێکهاتان ل هەرێما کوردستانێ د پرێس كۆنفرانسەكێدا راگه‌هاند، ئەڤرۆ جارەکا دی پێکهاتێن کوردستانێ کۆمبوون دخازن دادگەها فیدرالی بریارا دەستووری بدەت ئەگەر هەر بریارەك دەرڤەی رێزگرتن ژ مافێن پێکهاتان بهێتە دان دێ کاریگەریێ لسەر ئاشتی و پێکڤەژیانا هەرێما کوردستانێ هەبیت، ژبەرکۆ ل هەرێما کوردستانێ ل دیف یاسایا ساڵا 2008 کۆ دەرچوویە تایبەت بۆ هەلبژارتنا کورسیێن کۆتایان دیاری کریە.
ئاماژه ب وێ ئێکێ ژی كر، كۆ ئه‌و وەکۆ پێکهاتە ب گشتی نابنە بەرە د چ هەڤرکیەکا سیاسیدا، بەلکۆ لایەنێن سیاسی ب خۆ دڤێت گرفتان ژ نافخودا چارەسەر بکەن و پێکهاتە ژی ل دیف یاسایا دیارکری و یاسا بەرکار ل هەرێما کوردستانێ نوێنەر د پەرلەمانێ کوردستانێدا هەبیت.
تُتاح هذه الصورة أيضا في: کوردی
