ته‌مموز 20, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

حكومه‌تا هه‌رێمێ بۆ به‌غدا: مووچه‌یێن مایى و یێن ڤێ هه‌یڤێ یێن مووچه‌خۆرێن هه‌رێمێ بهنێره‌

حكومه‌تا هه‌رێمێ بۆ به‌غدا: مووچه‌یێن مایى و یێن ڤێ هه‌یڤێ یێن مووچه‌خۆرێن هه‌رێمێ بهنێره‌

گاڤ

حكومه‌تا هه‌رێما كوردستانێ داخواز ژ حكومه‌تا ئیراقێ كر مووچه‌یێن مایى یێن مووچه‌خۆرێن هه‌رێمێ هه‌روه‌سا مووچه‌یێ ڤێ هه‌یڤێ بهنێریت.

كۆمبوونا جڤاتا وه‌زیرێن هه‌رێما كوردستانێ ئه‌ڤرۆ چارشه‌مبیێ ب سه‌رپه‌رشتیا مه‌سروور بارزانى سه‌رۆكێ حكومه‌تێ برێڤه‌چوو.

ل گۆره‌ى راگه‌هاندنه‌كا سه‌رۆكێ حكومه‌تێ “د بڕگه‌یا ئێكێ یا كۆمبوونێ دا، ئاوات شێخ جه‌ناب وه‌زیرێ دارایى و ئابوورى و ئامانج ره‌حیم سكرتێرێ جڤاتا وه‌زیران به‌حسێ سه‌ره‌دانا ڤێ حه‌فتیێ یا شاندێ دانوستاندنكار یێ هه‌رێمێ بۆ به‌غدا كرن كو یا تایبه‌ت بوو ب مووچه‌یێن مووچه‌خۆرێن هه‌رێمێ، هه‌مواركرنا یاسایا بودجه‌یا ئیراقێ و ده‌ستپێكرنا هنارتنا په‌ترۆلا هه‌رێمێ و تێچوویێن به‌رهه‌مئینان و ڤه‌گوهاستنا په‌ترۆلێ كو تێدا پێشنیارێن حكومه‌تا هه‌رێمێ پێشكێشى حكومه‌تا فیدرالى هاتنه‌ كرن”.

هه‌ر ل گۆره‌ى به‌یانێ “جڤاتا وه‌زیرێن هه‌رێما كوردستانێ خۆشحالیا خۆ ده‌ربڕى ل دۆر وان تێگه‌هشتنێن ڤێ دویماهیێ ل گه‌ل حكومه‌تا فیدرالى و پێشڤه‌چوونێن ب ئاراسته‌یێ هه‌مواركرنا یاسایا بودجه‌یا فیدرالى بۆ نه‌هێلانا وان به‌ربه‌ستێن رێگر ل به‌رانبه‌ر خه‌رجكرنا پشكا هه‌رێمێ و مووچه‌یێن فه‌رمانبه‌رێن هه‌رێما كوردستانێ و ب تایبه‌ت مووچه‌ كو شایسته‌یێ دارایى یێ مووچه‌خۆرایه‌ و نابیت تێكه‌لى كێشه‌ و بابه‌تێن دى بهێته‌ كرن”.

دیار ژى كریه‌ “جڤاتا وه‌زیران دوپاتى ل سه‌ر هه‌لویستێ خۆ كر كو پێدڤیه‌ حكومه‌تا فیدرالى به‌رپرسیاریا خۆ بجهبینیت بۆ هنارتنا وان مووچه‌یان و چاڤه‌رێ نه‌ حكومه‌تا فیدرالى بۆ ڤێ هه‌یڤێ وه‌كى ده‌ڤه‌رێن دى یێن ئیراقێ مووچه‌یێن مووچه‌خۆرێن هه‌رێمێ خه‌رج بكه‌ت، د ڤى بوارى دا، ب ئه‌رێنى ته‌ماشه‌ى بزاڤێن هه‌ردو حكومه‌تێن هه‌رێمێ و فیدرالى بۆ رێككه‌فتنه‌كا گشتگیر بۆ چاره‌كرنا بنه‌ره‌تى بۆ بابه‌تێ مووچه‌یان و به‌رجه‌سته‌كرنا ڤێ رێككه‌فتنێ دناڤ هه‌موارا یاسایا بودجه‌یا گشتى یا فیدرالى دا دكه‌ین، هه‌رێما كوردستانێ پێگیریێن خۆ بجهئیناینه‌”.

د بڕگه‌یا دوێ یا كۆمبوونێ دا، به‌حس ل رێكارێن وه‌زاره‌تێن په‌یوه‌ندیدار بۆ بجهئینانا بڕیارا حكومه‌تێ ل دۆر نه‌هێلانا زێده‌گاڤیان ل سه‌ر رێك و جادده‌ و جهێن گشتى دا هاته‌ كرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi