شوبات 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

گۆتۆبێژێن ناڤبەرا حكوومەتا هەرێما كوردستانێ و حكوومەتا فیدرالی دێ دەست پێ کەن

گۆتۆبێژێن ناڤبەرا حكوومەتا هەرێما كوردستانێ و حكوومەتا فیدرالی دێ دەست پێ کەن

باسنيوز:

بڕیارە ل ئایندەیەكێ نێزیك، گەرەکا دی یا گۆتۆبێژان دناڤبەرا حكوومەتا هەرێما كوردستانێ و حكوومەتا فیدرالی دەست پێ بكه‌ن، ب مەرەما چارەسەركرنا هندەك ئاریشێن ناڤبەرا هەردوولا.

ژێدەرەکێ ئاگەهدار بۆ (باسنیوز) راگەهاند، ل ئایندەیەكێ نێزیك شاندێ هەرێما کوردستانێ دێ سەردانا بەغدا كەت و گۆتۆبێژێن ناڤبەرا حكوومەتا هەرێما كوردستانێ و حكوومەتا فیدرالی دەست پێ كەن.

زەلال کر، گۆتۆبێژێن ناڤبەرا هەردوولا دێ دەربارێ سێ تەوەران بن. تەوەرێ ئێکێ، راکرنا كۆتوبەندێن بەرامبەر بودجا هەرێما كوردستانێ ژ یاسایا بودجا گشتی یا سێ سالی یا عێراقێ كۆ ئەو ژی پێتڤی ب هەمواركرنا یاسایا بودجەی هەیە. تەوەرێ دووێ، گۆتۆبێژان دێ لسەر پرۆژە یاسایا نەفت و غازێ هێنە کرن. تەوەرێ سێ یێ، گۆتۆبێژێن تایبەت دەربارێ پرسا مەزاختنا بەرهەمئینانا پەترۆلێ ل هەرێما كوردستانێ كو ئێکە ژ ئاستەنگێن بەرامبەر دووبارە هنارتنا پەترولا هەرێما كوردستانێ.

تێزانین د سالا 2023دا هەرچەندە یاسایا بودجەی هاتبوو دەرخستن و تێدا پشكا هەرێما كوردستانێ هاتبوو دیاری كرن، بەلێ وەزارەتا دارایی یا عێراقێ ب هێجەتا هەبوونا دەستەواژا (خەرجییا فیعلی) و جوداکرنا بودجا هەرێما كوردستانێ ژ وی خەرجی، ئامادە نەبوون مووچەیێن مووچەخۆرێن هەرێما كوردستانێ و بودجا تمام پنێرن، ژبەر ڤێ ئەگەرێ ل جهێ بودجەی، بۆ دەمێ سێ هەیڤا، کوژمێ 700 ملیار دیناران ب شێوێ قەر بۆ هەرێما كوردستانێ هنارتن، نوکە ژی مووچەخۆرێن هەرێما كوردستانێ چاڤەرێ وێ ئێکێ دکەن كۆ حكوومەتا فیدرالی ئەركێن خۆ بجهبینیت و مووچەی پنێریت.

هەر دڤی واری دا، پێشەوا هەورامانی، پەیڤدارێ حکوومەتا هەرێما کوردستانێ ل دوماهیا هەفتیا بووری بۆ كەنالێ (کوردستان24) راگەهاند: “د سالا 2023دا وەکۆ حکوومەتا هەرێما کوردستانێ مە رێککەفتنێن باش دگەل حکوومەتا فیدرالی هەبوون، بەلێ پابەندیێن وان باش نەبوون، تنێ لسەر کاغەزێ بوون، ژبلی هندێ کۆ حکوومەتا هەرێما کوردستانێ هەمی پابەندیێن خۆ بجهئینان.”

پەیڤدارێ حکوومەتا هەرێما ئاماژە ب وێ ژی کر: ” ل دەستپێکا سالا بهێت حکوومەتا هەرێما کوردستانێ چاڤەرێ پابەندییا تمام ژ حکوومەتا فیدرالی دکەت و کوشتنا دەمی ئاریشێن ناڤبەرا هەولێر و بەغدا چارەسەر ناکەت.”

پێشەوا هەورامانی تەکەز کر: “دڤێت مووچە ژ هەمی پرسێن دی بهێتە جوداکرن و حکوومەت و خەلکێ کوردستانێ دەستبەردارێ مافێن خۆ نابن و مافێ وانە سنوورەکێ بۆ ئارامییا خۆ دانن.”

تُتاح هذه الصورة أيضا في: کوردی العربية

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi