شوبات 25, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سەرۆك بارزانی پێشوازییا جێگرا وەزیرێ دەرڤەیێ ئەمریكا كر

سەرۆك بارزانی پێشوازییا جێگرا وەزیرێ دەرڤەیێ ئەمریكا كر

باسنيوز:

ئەڤرۆ چارشەمبی 20/12/2023 ، سەرۆك مەسعود بارزانی ل سەلاحەدین پێشوازییا ڤیكتۆریا نولاند، جێگرا وەزیرێ دەرڤه‌یێ ئەمریكا بۆ كاروبارێن سیاسی و شاندێ پێرە كر، كۆ ژ ئەلینا رومەنسكی، بالیۆزا ئەمریكا ل عێراقێ و مارك سترۆ، كونسولێ گشتیێ ئەمریكا ل هەولێر و هەژمارەك ژ دبلۆماتكارێن ئەمەریكی پێکهاتبوون.

د هەڤدیتنێ دا، ره‌وشا سیاسی یا عێراق و ده‌ڤه‌رێ و پەیوەندیێن ناڤبه‌را حكوومەتا هەرێما كوردستانێ و حكومەتا عێراقێ و پێدڤییا چارەسەركرنا ئاریشێن ناڤبه‌را هەردوولا و مژارا مافێن دەستووری و شایستەیێن دارایێن هەرێما كوردستانێ گوتوبێژکرن.

هەروه‌سا باڵکشاندە سەر هێرشێن ئەمنی و مەترسیێن سەرهەلدانا داعشێ ل عێراق و ده‌ڤه‌رێ و ته‌كه‌ز ل سه‌ر هەماهەنگی یا دناڤبه‌را هەرێما كوردستان و حكومەتا عێراقێ و هه‌ڤپەیمانان هاته‌ كرن بۆ رووبرووبوونا هێرشێن تیرۆرێ و ئاستەنگێن ئەمنی.

ره‌وشا سیاسیا نافخۆ یا هەرێما كوردستانێ تەوەره‌كێ دیتر یێ هەڤدیتنێ بوو.

شاندێ مێڤان پێزانین بۆ پێشدەبرنا ژێرخانا هەرێما کوردستانێ و ئارامی و سەقامگیرییا هەرێما كوردستان هەبوون، ته‌كه‌ز ژی ل سه‌ر پێدڤییا هەماهەنگی و ئێكرێزییا دناڤبه‌را لایەنێن سیاسیێن هەرێما كوردستانێ هاته کرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi