سەرۆک نێچیرڤان بارزانى: د رۆژا ئالایى دا دخوازم دوبه‌ره‌كى نه‌مینیت
گاڤ
سه‌رۆكێ هه‌رێما كوردستانێ د رۆژا ئالایێ كوردستانێ دا داخواز كر دوبه‌ره‌كى ل هه‌رێما كوردستانێ نه‌مینیت و ئه‌ڤ رۆژه ببیته رۆژا ئومێدا وان هه‌موو پێكهاتەیێن ل هەرێما کوردستانێ دژین.
ئه‌ڤرۆ ل هه‌ولێرێ سه‌رۆكاتیا هه‌رێما كوردستانێ د رێوره‌سمه‌كى دا ئالایێ كوردستانێ بلند راگرت، سه‌رۆكێ هه‌رێما كوردستانێ، نێچیرڤان بارزانى د گۆتاره‌كێ دا گۆت: كه‌سوكارێن سه‌ربلندێن شه‌هیدان، پێشمه‌رگەیێن قاره‌مان، هێزێن ناڤخۆ پارزه‌رێن ئه‌زموونا مه، كوردستانیێن هێژا ل ڤێره و ل هه‌ر جهه‌كێ جیهانێ رۆژا ئالایى پیرۆز بیت.
سه‌رۆك نێچیرڤان بارزانى زێده‌تر گۆت: د رۆژا پیرۆزا ئالایى دا كو ئالایێ خۆ بلند دكه‌ین، بلا به‌رى هه‌ر تشته‌كى گه‌لێ مه ل بیرا مه بینیت و به‌حس ل ئالایی كوردستانێ كر و ب تابلۆیه‌كێ ره‌نگین ناڤكر.
سه‌رۆكێ هه‌رێما كوردستانێ دیاردكه‌ت ژى بلا رۆژا د ناڤ ئالایێ مه دا ببیته هێڤێنێ مافێ چاره‌نڤیسێ گه‌لێ مه و ئالا ئاماژه‌یه بۆ ئێك نشتیمانى و ئالا كوردان هه‌موو پێكهاتەیێن هەرێما کوردستانێ پێكڤه گرێدده‌ت.
سەرۆک نێچیرڤان بارزانى خۆیاكر ژى بلا د ڤێ رۆژێ دا دوبه‌ره‌كیێ لابدەین و ئه‌ڤ رۆژه ببیته ئومێدا هه‌موو وان كه‌سێن د هه‌رێما كوردستانێ دا دژین و دیاركر، بلا كوردستان ل ناڤ گه‌لێن ناوچێ ببیته هێمایێ ئاشتیێ.
سه‌رۆكێ هه‌رێمێ زێده‌تر به‌حس ل ئالای كر و دیاركر، ئالایێ مه هێمایێ به‌هرنگاربوونا ئاسته‌نگانه و سۆزا مه‌یه بۆ پاشه‌رۆژه‌كا باشتر بۆ مه هه‌موویان.
تُتاح هذه الصورة أيضا في: کوردی
