شوبات 26, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

وەزارەتا دارایی خشتەيێ به‌لاڤكرنا مووچەيێ هه‌يڤا ئەیلوولێ ڕاگەهاند

وەزارەتا دارایی خشتەيێ به‌لاڤكرنا مووچەيێ هه‌يڤا ئەیلوولێ ڕاگەهاند
K24 – هەولێر:

وەزارەتی دارایی و ئابووریی حکومەتی هەرێمی کوردستان خشتەی دابەشکردنی مووچەی مووچەخۆرانی هەرێمی کوردستانی بۆ مانگی ئەیلوولی راگەیاند.

رۆژی سێشەممە (12ـی کانوونی یەکەمی 2023) وەزارەتی دارایی ئاشکرایکرد، سبەی چوارشەممە دەست بە دابەشکردنی مووچەی مانگی ئەیلوولی 2023ـی مووچەخۆرانی هەرێمی کوردستان دەکرێت.

بەگوێرەی خشتەکە، دابەشکردنی مووچە لە وەزارەتی تەندروستییەوە دەستپێدەکات و لە ماوەی هەفتەیەکدا مووچەی سەرجەم وەزارەت و دامەزراوەکانی حکومەتی هەرێمی کوردستان دابەشدەکرێت.

ئەمڕۆ سێشەممە 12/12/2023، وەزارەتی دارایی و ئابووری حکومەتی هەرێمی کوردستان، رایگەیاند: “بڕی 250 ملیار دینار لە رێگەی بانکی رافیدەینەوە خرایە سەر هەژماری بانکی وەزارەتی دارایی و ئابووری لە لقی هەولێری بانکی ناوەندی عێراق”.

پێشتر رۆژی دووشەممە (11ـی کانوونی یەکەمی 2023) وەزارەتی دارایی و ئابووریی حکومەتی هەرێمی کوردستان رایگەیاندبوو، ئاوات جەناب نووری، وەزیری دارایی و ئابووری لە شاری بەغدا گرێبەستی وەرگرتنی 200 ملیار دیناری وەک قەرز لە رێگەی بانکی رەشیدەوە واژۆ کردووە.

وەزارەتی دارایی لە روونکردنەوەیەکدا ئاماژەی بەوەکردووە، لە چەند رۆژی رابردووشدا بە هەماهەنگی لەگەڵ نوێنەرایەتی حکومەتی هەرێمی کوردستان، لە بەغدا سەرجەم رێکارەکان و گرێبەستی وەرگرتنی 500 ملیار دیناری لە رێگەی بانکەکانی رافیدەین و بانکی بازرگانی عێراقییەوە واژۆکردووە.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi