پەیڤدارێ دەزگەهێ هەلبژاردنا پارتی: مە ئامادەکاری بۆ هەلبژارتنێن پەرلەمانێ کوردستانێ دەستپێکرينە
باسنيوز:
بریارە هەیڤا شوباتا 2024 هەلبژاردنێن پەرلەمانێ کوردستانێ برێڤەبچیت، پەیڤدارێ دەزگەهێ هەلبژاردنێن پارتی دیموکراتی کوردستانێ راگەهاند کۆ ئامادەکاری بۆ هەلبژاردنێن پەرلەمانێ کوردستانێ دەست پێکریە.
ل دوور ڤی بابەتی، هەوار محەمەد، پەیڤدارێ دەزگەهێ هەلبژاردنا پارتی، بۆ (باسنیوز) راگەهاند :” پارتی هەمی دەما بۆ هەلبژاردنێ یا ئامادەیە، بۆ بابەتێ هەلبژاردنا پەرلەمانێ کوردستانێ پێنگاڤ پێنگاڤ دگەل ئامادەکاریێن کۆمسیۆنا بلندا سەربەخۆیا هەلبژاردنا عێراقێ ئامادەکاریان دکەین.”
راگەهاند، دنوکەدا دۆسیەیەک ل دادگەها فیدرالی هەیە ل دوور هەلبژاردنێن پەرلەمانێ کوردستانێ، هەتا ئەو دۆسیەیە ئێکلا نەبیت، هەمی تشت ب تەمامی زەلال نابن.”
گوت ژی، وەک پارتی جەماوەرێ خۆ ئاگەهدارکریە و هەر دەما پێتڤی بکەت دێ بەربژێرێن خۆ دیارکەت و ئاراستەی کۆمسیونا هەلبژاردنا دکەن، بەلێ بۆ وێ قۆناغێ هێشتا مایە.
پەیڤدارێ دەزگەهێ هەلبژاردنا پارتی ئاماژە ب وێ دا، بەربژێر لگورەی سیستەمێ هەلبژاردنان دهێنە دیارکرن، ئەگەر ئێک بازنەبیت، هژمارا بەربژێران دێ هێتە گوهرین جداهی ب وێ چەندێ ئەگەر چەند بازنەبن.
تُتاح هذه الصورة أيضا في: کوردی
