وەزارەتا دارایی و ئابووریا حکوومەتا هەرێما کوردستانێ زەلالکرنەک بڵاڤکر
باسنيوز:
وەزارەتا دارایی و ئابووریا حکوومەتا هەرێما کوردستانێ زەلالکرنەک بڵاڤکر و بەرسڤا هەژمارەکا پەیج و دەزگەهێن راگەهاندنێ دا.
ئەڤرۆ پێنجشەمبی 30/11/2023، وەزارەتا دارایی و ئابووری زەلالکرنەک بڵاڤکر و راگەهاند:” ل چەند پەیج و دەزگەهێن راگەهاندنێ بەیاننامەک بناڤێ دەستەیا نوێنەرێن ماموستایێن وانەبێژ سەبارەت ب خەرجکرنا شایستەیێن دارایێن هەیڤا ئەیلوولێ یا وانەبێژان بڵاڤکریە، د چەند بەشێن بەیاننامێدا وەزارەتا دارایی ب سەدەمێ خەرجنەکرنا شایستەیان تۆهمەتبار کر.”
وەزارەتا دارایی بۆ هەمی وانەبێژ و رایا گشتی راگەهاند:” هیگ بریار و رێنمایەکا نوی ژلایێ جڤاتا وەزیرێن هەرێما کوردستانێ و وەزارەتا دارایی دەرنەچوویە بۆ خەرجکرن یان ژی خەرجنەکرنا مووچە و شایستەیێن دارایی یێن هیچ تەخ و چینەکا مامۆستایان”
تُتاح هذه الصورة أيضا في: کوردی
