مه‌سرو بارزانى بو ماموستایان: مووچێ وه دێ هێته قه‌ره‌بووكرن، لێ خواندن ناهێته قه‌ره‌بووكرن
خانى نيوز:
سه‌رۆكێ وه‌زیرێن هه‌رێما كوردستانێ داخوازێ ژ مامۆستایان دكه‌ت، ل حه‌فتییا بهێت ڤه‌گه‌رنه پۆلێن خواندنێ و ده‌ست ب پروسه‌یا خواندنێ بكه‌ن و گوت : ئه‌و مووچه‌یێ هاتییه پاشكه‌فتن دێ هێته قه‌ره‌بووكرن، لێ خواندن ناهێته قه‌ره‌بووكرن.
مه‌سرور بارزانى سه‌رۆكوه‌زیرێن هه‌رێما كوردستانێ درێوره‌سمێن ده‌رچوونا قوتابیێن زانكویا هه‌ولێرێدا گوتاره‌ك پێشكێش كر و به‌حس ل ره‌وشا ماموستایان و ده‌واما قوتابخان كر.
مه‌سرور بارزانى گوت : مافێ مامۆستایانه مووچێ وان ل سه‌رێ هه‌یڤێ بۆ دابینبكه‌ن، لێ حكومه‌تا هه‌رێما كوردستانێ ئه‌گه‌ر نینه مووچێ وان پاشبكه‌ڤیت، هه‌موو پشكێن دیژى هه‌موو فه‌رمانبه‌رێن حكومه‌تێ مووچێ وان پاشكه‌ڤتییه و بزاڤ هاتییه كرن و به‌رده‌وامن كو مافێ مامۆستایان و هه‌موو فه‌رمانبه‌رێن هه‌رێمێ نه‌چیت و كارێن باش هاتینه كرن و پێنگاڤێن باش دگه‌ل حكومه‌تا فیدرال هاتینه هاڤێتن.
سه‌رۆكوه‌زیرێن هه‌رێما كوردستانێ مامۆستایان دلخوش دكه‌ت كو حكومه‌تا هه‌رێمێ پێگره ب وێ چه‌ندێ نه‌هێلیت مافێ مامۆستایان بچیت، ئه‌و مووچه هاتیه پاشخستن و دێ هێته قه‌ره‌بووكرن، لێ خواندن ناهێته قه‌ره‌بووكرن و ئه‌و قوتابییێن ڤى ده‌مى بێبه‌هر بووین و نه‌شیاین بچنه قوتابخانا دێ چه‌وا ب وێ خواندنێ هێنه قه‌ره‌بووكرن .
مه‌سرو بارزانى داخوازه‌ك پێشكێشى ماموستایان كر و گوت : داخواز ژ ماموستایێن خوشتڤى هه‌یه كو ل ده‌ستپێكا حه‌فتییا بهێت ڤه‌گه‌رنه قوتابخانا و زاروكان نه‌هێلن ، قوتابیێن خوشتڤى ژ خواندنێ د بێ به‌شن، بلا پروسا خواندنێ جاره‌كا دى ده‌ستپێبكه‌ت، ئه‌و سوپاسییا مامۆستایان دكه‌ت و هیڤییا وى ئه‌وه مامۆستایه‌تى و به‌رپرسایه‌تى یا وه‌لاتێ خوه بجهبینن و د خزمه‌تا گه‌ل و وه‌لاتى دابن و رێنیشانده‌رێ وى قوتابى بن، كو ئه‌م وه‌لاته‌كێ خوراگرین و هه‌ر تشتێ ب سه‌رێ مه‌بهێت ناهێلین پروسا خواندنێ براوه‌ستیت.
تُتاح هذه الصورة أيضا في: کوردی
