ساخله‌میا سلێمانیێ: 10 حاله‌تێن تووشبوونێ ب كۆلێرایێ هاتینه تۆماركرن
گاڤ
ساخله‌میا سلێمانیێ تۆماركرنا ده‌هـ حاله‌تێن تووشبوونێ ب نه‌خۆشیا كۆلێرایێ ل پارێزگه‌هێ راگه‌هاند.
سه‌باح هه‌ورامى رێڤه‌به‌رێ گشتى یێ ساخله‌میا سلێمانیێ ئه‌ڤرۆ پێنجشه‌مبیێ دیاركر؛ 10 حاله‌تێن كۆلێرایێ هاتینه تۆماركرن.
ناڤهاتى داخواز ژ خه‌لكى كر كو د دو هه‌یڤێن بهێت دا د هشیار بن و خۆ بپارێزن.
ئاماژه ب وێ چه‌ندێ ژى كر “پشتى تێستان دیاربوویه كو 10 كه‌س تووشبوویێن كۆلێرایێ نه و نزیكى 100 كه‌سان رۆژانه ژ به‌ر زكچوونێ و دلرابوونێ سه‌ره‌دانا نه‌خۆشخانه‌یان ل سلێمانیێ دكه‌ن”.
خۆیا ژى كر كو ئاڤا نه‌پاقژ ئێك ژ ئه‌گه‌رێن تووشبوونێ ب كۆلێرایێ یه و ئه‌و ئاڤا وه‌لاتى ژ تانكه‌ران دكڕن ژ ئه‌گه‌رێن به‌لاڤبوونا نه‌خۆشیێ یه و دوپاتكر كو “ده‌رمانێن پێدڤى ل نه‌خۆشخانه‌یان بۆ چاره‌سه‌ریێ هه‌نه”.
ساخله‌میا سلێمانیێ به‌رى نوكه بۆ به‌رسینگگرتنا زێده‌بوونا حاله‌تێن زكچوون و دلرابوونێ داخواز ژ وه‌لاتیان كربوو كو ب تنێ وێ ئاڤێ بكاربینن كو ژ ژێده‌رێ وێ د پشتراست بن یان ئاڤا بوتلان بیت هه‌روه‌سا پێشكێشكرنا كه‌سكاتیان و ئاڤه‌ماستێ ژبلى ئاڤه‌ماستا قودیككرى ل خوارنگه‌هان قه‌ده‌غه كربوو.
تُتاح هذه الصورة أيضا في: کوردی
