نیسان 15, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سەرۆك بارزانی ل گەڵ چین و توێژێن سنوورێ زاخۆ كۆمبوو

سەرۆك بارزانی ل گەڵ چین و توێژێن سنوورێ زاخۆ كۆمبوو

باسنيوز:

لەچوارچێوه‌ی سه‌ردانه‌كه‌ی بۆ دەڤەری بادینان، ئەمڕۆ یەكشەممە 20ی ئابی 2023 سەرۆك مه‌سعود بارزانی سەردانی ئیدارەی سەربەخۆی زاخۆی كرد و لەگەڵ چین و توێژەكانی سنووری ئیدارەی سەربەخۆی زاخۆ كۆ بووه‌وه‌.

باره‌گای بارزانی بڵاوی كرده‌وه‌ كه‌ لەو كۆبوونەوەیەدا سەرۆك بارزانی گوتەیەكی پێشكەش كرد و خۆشحاڵیی خۆی نیشاندا كە جارێكی تر دەرفەت ڕەخساوە لەگەڵ خەڵكی شەهیدپەروەری سنووری زاخۆ كۆببێتەوە.

هاوكات، سه‌رۆك بارزانی، ڕۆشنایی خستەسەر ئەو بەڵێنانەی كە بۆ بەجێگەیاندنی پڕۆژەكان و خزمەتگوزاریی زیاتر بە خەڵكی زاخۆ درابوو و ڕایگەیاند كە بەهەموو شێوەیەك پشتیوانی ئەوەم كە خزمەتی ئیدارەی سەربەخۆی زاخۆ بكرێت، سەرۆك بارزانی باسیشی لەوە كرد كە پێویستە بایەخ بە كەرتی كشتوكاڵ و گەشتوگوزار بدرێت بۆ ئەوەی زەمینەی گەشە و خوشگوزەرانیی زیاتر بۆ خەڵك فەراهەم بێت و ئامۆژگاریی بۆ حكوومەت و دەزگە پەیوەندیدارەكان ئەوەیه‌ كە خزمەتكاری خەڵك بن.

سەرۆك بارزانی ئاماژه‌ی بە بارودۆخی سیاسیی هەرێمی كوردستان دا و باسی له‌وه‌ كرد كە لە هەوڵدان بۆ ئەوەی یەكدەنگی و یەكڕیزیی لایەنەكان دروست ببێ بە تایبەتی لەسەر هێڵە گشتییە نیشتیمانی و نەتەوەییەكان و پێویستە هیچ لایەنێك لەو هێڵ و بەرژەوەندییە گشتیانە لانەدات.

سه‌رۆك بارزانی ئەوەشی خستەڕوو كە پارتی بە دەنگی خەڵك و بە پشتیوانیی خەڵك هاتووە و دەبێ ئەو متمانەیە بپارێزرێت و هەڵبژاردن ئەنجام بدرێت. پەیوەست بە پەیوەندییەكانی نێوان هەرێمی كوردستان و عێراق، سەرۆك بارزانی كورتەیەكی مێژوویی لەو پەیوەندییانە باس كرد و ئاماژەی بەوەدا كە هۆكاری سەرەكیی بوونی قەیران و ناسەقامگیری لە عێراق بۆ پشتكردن لە ئیمزا و ڕێككەوتنەكان و جێبەجێنەكردنی دەستوور دەگەڕێتەوە.

سەرۆك بارزانی له‌ وچارچێوه‌ی گوتەكانیدا داوای كرد كە هاووڵاتیان لەو هەڕەشە و كۆسپانە ئاگادار بكرێنەوە كە دێنە بەردەم خەڵكی كوردستان و جەختی لە پابەندبوون بە ڕۆحی نیشتیمانپەروەری و پاراستنی بەهاكان و دۆزی ڕەوای گەلی كوردستان كردەوە.

لەبەشی كۆتایی كۆبوونەوەكە، دەرگەی پرسیار و ڕەخنە و تێبینیی بۆ ئامادەبوانی كۆبوونەوەكە كرایەوە و سەرۆك بارزانی وەڵام و بەرچاوڕوونیی پێویستی بۆ ئامادەبوان خستەڕوو.

هەر لەو سەردانەیدا بۆ شاری زاخۆ سەرۆك بارزانی سەردانی پردی (خابوور)ـی شاری (زاخۆ)ـشی كرد.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi