ئازار 03, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

نێچیرڤان بارزانى: دڤێت پارتى كۆمڤه‌كه‌را هه‌موو ئالیان بیت

نێچیرڤان بارزانى: دڤێت پارتى كۆمڤه‌كه‌را هه‌موو ئالیان بیت

باسنيوز:

نێچیرڤان بارزانى له‌ یادى 77 ساڵه‌ى دامه‌زراندنى پارتى دیموكراتى كوردستاندا پەیامێکی پیرۆزبایی بڵاو کردەوە و تێیدا دەڵێت، پارتى چۆن 77 ساڵ به‌ر له‌ ئه‌مڕۆ وه‌ك پێویستییه‌كى مێژوویى له‌ خه‌ون و خۆزگه‌ و ئامانجه‌كانى گه‌لى كوردستانه‌وه‌ له‌دایك بوو‌، ئه‌مڕۆش بۆ ڕووبه‌ڕووبوونه‌وه‌ و تێپه‌ڕاندنى ئاڵنگارییه‌كان و به‌دیهێنانى داهاتوویه‌كى باشتر، به‌ ئومێده‌وه‌ ڕێبه‌رایه‌تیى خه‌ڵكى كوردستان و ئامانجه‌ باڵاكانى ده‌كات.

ئەمەش ده‌قی په‌یامی نێچیرڤان بارزانى:

ئه‌مڕۆ 16ى ئاب، به‌ ڕێز و شكۆوه‌ یادى ڕووداو و وه‌رچه‌رخانێكى گه‌وره‌ى چاره‌نووسساز له‌ مێژووى گه‌لى كوردستاندا ده‌كه‌ینه‌وه‌ كه‌ حه‌فتا و حه‌فت ساڵه‌ى دامه‌زراندنى پارتیمان، پارتى دیموكراتى كوردستانه. له‌م یاده‌دا سڵاو و دروود‌ بۆ گیانى پاكى دامه‌زرێنه‌ر و ڕێبه‌رى گه‌لى كوردستان بارزانیى نه‌مر و ته‌واوى شه‌هیدان و هه‌موو ئه‌و تێكۆشه‌ر و خه‌باتگێڕ و پێشمه‌رگه‌ قاره‌مانانه‌ ده‌نێرین كه‌ خه‌باتیان كردووه‌ و له‌پێناو ئازادیى كوردستاندا گیانیان به‌خشى.

به‌م بۆنه‌یه‌وه‌ به‌ گه‌رمى پیرۆزبایى له‌ جه‌نابى سه‌رۆك بارزانى، له‌ خانه‌واده و كه‌سوكار‌ى سه‌ربه‌رزى شه‌هیدان، له‌ مه‌كته‌بى سیاسى و كۆمیته‌ى ناوه‌ندى و ته‌واوى ئۆرگانه‌كان و كادیران و ئه‌ندامان، له‌ ئافره‌تان و قوتابیان و لاوان و لایه‌نگران و جه‌ماوه‌رى پارتى و گه‌لى كوردستان به‌گشتى ده‌كه‌م. هیواى سه‌ركه‌وتنى به‌رده‌وام و سه‌رفرازى بۆ پارتیمان و بۆ هه‌موو لایه‌ك ده‌خوازم.

شانازییه‌ بۆ پارتى كه‌ دواى ئه‌و ته‌مه‌نه‌ درێژه‌، هێشتا به گوڕوتینه‌وه‌ له‌ گۆڕه‌پانى خه‌بات به‌رده‌وامه‌ و نوێنه‌رایه‌تیى خه‌ڵكى كوردستان ده‌كات بۆ گه‌یشتن به‌ خه‌ون و ئامانجه‌كانى. پارتى چۆن حه‌فتا و حه‌فت ساڵ به‌رله‌ ئه‌مڕۆ وه‌ك پێویستییه‌كى مێژوویى له‌ خه‌ون و خۆزگه‌ و ئامانجه‌كانى گه‌لى كوردستانه‌وه‌ له‌ دایك بوو‌، ئه‌مڕۆش بۆ ڕووبه‌ڕووبوونه‌وه‌ و تێپه‌ڕاندنى ئاڵنگارییه‌كان و به‌دیهێنانى داهاتوویه‌كى باشتر، به‌ ئومێده‌وه‌ ڕێبه‌رایه‌تیى خه‌ڵكى كوردستان و ئامانجه‌ باڵاكانى ده‌كات.

ئه‌مڕۆ هێنده‌ى مێژوو و گه‌وه‌ره‌یى و قوربانیدانى پارتى، ئه‌رك و به‌رپرسیاریه‌تیى پارتیش مێژوویى و گه‌وره‌یه‌. بۆیه‌ ده‌بێ وه‌ك هه‌میشه‌ ئه‌وپه‌ڕى ئه‌رك و به‌رپرسیاریه‌تیى خۆى جێبه‌جێ بكات و كۆكه‌ره‌وه‌ى هه‌مووان و ده‌ستپێشخه‌ر بێت بۆ چاره‌سه‌ر و تێپه‌ڕاندنى كێشه‌ و قه‌یرانه‌كان، پارێزه‌ر و پێشه‌نگى ته‌بایى و یه‌كڕیزى و پێكه‌وه‌یى و یه‌كترقبووڵكردن و هاریكارى بێت، ڕۆڵى كارا و كاریگه‌رى خۆى له‌ پاراستنى ئازادى و دیموكراسى و ماف و ده‌ستكه‌وته‌ ده‌ستوورییه‌كانى گه‌لى كوردستان و چه‌سپاندنى فیدراڵیدا بگێڕێت.

سڵاو له‌ هه‌موو پارتییه‌ك له‌ هه‌ر كوێ بێت، هیواى سه‌ركه‌وتن بۆ ئێوه‌ و ته‌واوى گه‌لى كوردستان ده‌خوازم.

نێچیرڤان بارزانى

16ى ئابى 2023

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi