ته‌مموز 23, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شاندێ هه‌رێمێ: به‌غدا چ به‌هانه‌ نه‌مان پشكا هه‌رێمێ نه‌هنێریت

شاندێ هه‌رێمێ: به‌غدا چ به‌هانه‌ نه‌مان پشكا هه‌رێمێ نه‌هنێریت

گاڤ

سه‌رۆكێ شاندێ حكومه‌تا هه‌رێما كوردستانێ ل به‌غدا راگه‌هاند كو هه‌رێمێ هه‌مى پێگیریێن خۆ بجهئیناینه‌ و به‌غدا چ به‌هانه‌ نه‌مان پشكا هه‌رێمێ نه‌هنێریت.

ئومێد سه‌باح سه‌رۆكێ شاندێ حكومه‌تا هه‌رێمێ د كۆمبوونێن ل گه‌ل حكومه‌تا فیدرال د پرێس كۆنفرانسه‌كێ دا به‌رى ده‌مه‌كێ كێم راگه‌هاند؛ مه‌ ته‌كه‌زى ل سه‌ر دابینكرنا پشكا هه‌رێما كوردستانێ ژ بودجه‌یی كریه‌ و هه‌رێما كوردستانێ هه‌مى پێگیریێن خۆ یێن دارایى بجهئیناینه‌.

ئاشكرا ژى كر؛ بۆ ده‌مێ هه‌شت ده‌مژمێران ل نڤیسینگه‌ها سه‌رۆكوه‌زیرێ ئیراقێ د كۆمبوونێ دا بووین كو 5 رۆژن كۆمبوونان یۆ بجهئینانا بودجه‌یێ دكه‌ین.

دیار ژى كر كو هه‌رێما كوردستانێ داخواز كریه‌ كو مافێن هه‌رێمێ د پاراستى بن و پشكا هه‌رێمێ به‌رده‌وام ژ لایێ به‌غدا ڤه‌ بهێته‌ دان.

خۆیا ژى كر: ئه‌م وه‌ك هه‌رێم د به‌رهه‌ڤین هه‌مى پێگیریێن د یاسایا بودجه‌یێ دا وه‌ك راده‌ستكرنا په‌ترۆلێ بجهببنین سه‌ره‌راى نه‌ده‌ستووریا هنده‌ك بڕگه‌یێن وێ و ژ 25/6 تا نوكه‌ مه‌ وه‌ك هه‌رێم په‌ترۆل راده‌ستكریه‌.

زێده‌ ژى كر: هه‌روه‌سا مه‌ داهاتێن نه‌ یێن په‌ترۆلێ یێن فیدرالى وه‌ك ره‌سم و خویك راده‌ستی حكومه‌تا فیدرالى كرینه‌ و دێ د ژماره‌یه‌كا به‌نكى یا وه‌زاره‌تا دارایى یا ئیراقێ دا ب شێوه‌یێ كاش هێته‌ دانان.

گۆت ژى “هه‌روه‌سا ئه‌م ل سه‌ر مه‌رجێن گرێداى Tbi رازیبووینه‌، هه‌روه‌سا مه‌ ژ دیوانێن چاڤدێریێن دارایى یێن هه‌رێمێ و فیدرالى خواستيه‌ هویربینیێ بكه‌ن و به‌غدا به‌هانه‌ نه‌مان پشكا هه‌رێمێ نه‌هنێریت”.

خۆیا ژى كر؛ پێدڤیه‌ ژ 26/6 هه‌مى شایسته‌یێن هه‌رێمێ و نه‌ ب تنێ مووچه‌ بهێته‌ ره‌وانه‌كرن.

هه‌روه‌سا مه‌ داخواز كریه‌ لژنه‌یه‌ك بۆ ده‌مێ هه‌یڤه‌كێ دێ كار ل سه‌ر حیساباتێن دارایى و مافێن مه‌ ژ 1/1/2023 تا نوكه‌ بكه‌ت.

گۆت ژى: مه‌ داخواز كریه‌ حه‌فتیا بهێت مووچه‌، پشكا هه‌رێمێ، پێترۆ دۆلار، ته‌مویلا وه‌به‌رهێنانێ و بودجه‌یا پێشمه‌رگه‌ی ب ته‌مامى بهێنه‌ هنارتن.

دیار ژى كر؛ هه‌ر ژ حه‌فتیا بهێت ئاماده‌ین داهاتێ نه‌ په‌ترۆلى راده‌ست بكه‌ین.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi