نووترين زانیارى ل دۆر دەستپێکرنا پله بلندكرنا فەرمانبەران
باسنيوز:
ڕاوێژکارێکى پەرلەمانى کوردستان ڕای گەیاند بەمەبەستى دەرخستنى وردەکارییەکان و دیاریکردنى ڕێوشوێنەکانى بەرزکردنەوەى پلەى فەرمانبەران،لیژنەى دارایى پەرلەمان لەگەڵ ئەنجوومەنى ڕاژە کۆدەبێتەوە.
ئەرشەد تەها، ڕاوێژکارى ئابووریى پەرلەمانى کوردستان بە (باسنیوز)ی ڕاگەیاند: ” پێشووتر ئەنجوومەنى وەزیرانى هەرێمى کوردستان داواى لە ئەنجوومەنى ڕاژە کردبوو کە بابەتى بەرزکردنەوەى پلەى فەرمانبەران تاووتوێ بکەن و وردەکارییەکانى لەسەر ئامادە بکەن،بەڵام ئەوەى کە هەیە تا ئێستا وردەکارى خەرجیى و چۆنێتى بەرزکردنەوەى پلەى فەرمانبەران لەو بڕیارەدا ئاشکرا نەکراوە.”
گوتیشى: “ئەو بابەتە ڕاى لیژنەى دارایى پەرلەمانى کوردستانیشى پێویستە،بۆیە لیژنەکە داواى کردووە کە لەگەڵ ئەنجوومەنى ڕاژە کۆببێتەوە،بەڵام بە هۆى پشووەکانى سەرى ساڵ ئەو کۆبوونەوەیە دواکەوت و چاوەرێ دەکرێت لە داهاتوویەکی نزیکدا ئەو کۆبوونەوەیە بکرێت.”
باسى لەوەشکرد: “لە کۆبوونەوەکەدا مەرج و ڕێنوێنى و چۆنییەتى و وردەکارى بەرزکردنەوەى پلەى فەرمانبەران و پێوەرەکان دیارى دەکرێن.”
بە بڕواى ئەو ڕاوێژکارە ئابووریەى پەرلەمانى کوردستان پەسندکردنى بڕیارى بەرزکردنەوەى پلەى فەرمانبەران زیاتر پەیوەستە بە ڕێککەوتن لەگەڵ بەغدا ئامادەکردنى پڕۆژە یاساى بودجەوە.
تُتاح هذه الصورة أيضا في: کوردی
