حكومه‌ت دوماهى هۆشداریێ دده‌ته پالاوتگه‌هێن نەیاسایی یێن کواشێ
گاڤ – تایبه‌ت
ده‌ڤه‌ردارێ سێمێلێ بۆ گاڤ راگەهاند: د چوارچۆڤەیێ بریارا راکرن و نەهێلانا جهێن زێدەگاڤى و نه‌قانوونى یێن کواشێ دا دێ دوماهی هۆشداری بۆ راکرنا وان جهان ب خودانان هێتەدان.
خەلیل مه‌حموود، ده‌ڤه‌ردارێ سێمێلێ بۆ گاڤ گۆت: ئەو هۆشداریە دێ ژ ئالیێ باژێرڤانیا ده‌ڤه‌رداریێ ڤە هێتەدان و دڤێت پابەندی پێ بهێتەکرن و ئەو جهێن نەیاسایى و زێدەگاڤکرین بریارا داخستنا وان دەرکەفتیە و دڤێت ب ئێكجارى بهێنه گرتن.
هەر د ئەڤێ دەربارێ دا محسن عەبدولکەریم، سەرۆکێ باژێرڤانیا سێمێلێ بۆ گاڤ راگەهاند: ئەو دێ لژنەکێ ره‌وانه‌یى دەڤەرا کواشێ كه‌ن بۆ لێكۆلین و زانینێ ئەرێ چەند ژوان جهان هاتینە گرتن و پاشی هەر جهەکێ مابیت کو هەتا نوکە پابەندی بریار و رێنمایان نه‌بووى، دێ رێکارێن یاسایی ل گه‌ل هێنه وه‌رگرتن .
ل گۆره‌ی زانیاریێن گاڤ ئەو جهێن بریارا داخستنێ بۆ دەرکەفتی ژمارا وان نێزیکی 30 پالاوگەهانه و گومان هه‌یه كو تا نوكه ژى هنده‌ك ژ وان ب قاچاخى كار بكه‌ن.
تُتاح هذه الصورة أيضا في: کوردی
