نیسان 21, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئیبراهیم شنگالی: هەموو كەس دكارن سترانان بێژن، لێ‌ هەموو نكارن ببنە هۆنەرمەند.

ئیبراهیم شنگالی: هەموو كەس دكارن سترانان بێژن، لێ‌ هەموو نكارن ببنە هۆنەرمەند.
تۆرا لالش/جەمیلا حازم
هۆنەرمەند ئیبراهیم خلیل عەلی بەرناسە ب ئیبراهیم شنگالی خودان پێنج بەرهەمێن هۆنەری یە و بیست و سێ‌ ڤیدیو كلیپ هەنە و خەلكێ‌ شنگالە، ل ناوچەدارییا باعەدرێ‌ ژ دایك بوویە و هەر ل وێدەر ئاكنجی بوویە و نوكە ل وەلاتێ‌ ئەلمانیا دژیت, د كورتە دیدارەكێ‌ دا بۆ تۆرا لالش دیاركر, هۆنەر ب چ رەنگا ناهێتە وەسفكرن مرۆڤ چەند ناڤان لێ‌ بكەتە هەر ژ وی ناڤی ژی مەزنترە, لێ‌ دكارم بێژم هۆنەر ژ خوەزایی دا دگەل مرۆڤان مەزن دبت لێ‌ هۆنەرا ئیرۆ چ رەنگ و تاما خۆ نەمایە .
گۆتژی، ل سالە 1997 من دەست ب ستران گوتنێ‌ كریە هەتا نهۆ ئەز یێ‌ بەردەوامم ئانكو بۆ ماوەیێ‌ ( 26 ) سالانە سترانە دبێژم, هەروەسا هەشت سالان من دگەل گرۆپێ‌ زەلال ل ستۆدیویا باعەدرێ‌ كاركریە و سترانێن هەمەجۆر دبێژم, دیسان من تیپا خۆ یا تایبەت یا هەیی و بۆ داوەتان دچم ژبەركو هونەرمەند چ جار نكارت نانێ‌ خۆ ب سترانەكێ‌ یان بەرهەمەكێ‌ بخوت, زێدەباری هندێ‌ ژی من شارەزایەكا باش د ژەنینا ئورگێ‌ و سازێ‌ و باغلەمەیێ‌ دا هەیە، لێ‌ چ جاران ژەنینا وان ناكەمە كارێ‌ خو یێ‌ بەردەوام ژبەركو حەزا من بۆ ستران گوتنێ‌ پترە, پالدەر و پشتەڤانێن من ژی هەر ژ دەستپێكێ‌ و هەتا نهۆ ژ هەموو لایانڤە هەر ئەز بخو بوویمە.
ئیبراهیم شنگالی دا دیاركرن، دخوازم گۆرەپانا هونەری بۆ هەر كەسەكی بەرفرەهـ نەكەن، چنكو نەهەر كەسەكی سترانەك گۆت هونەرمەندە ژبەركو هەموو كەس دكارن سترانان بێژن، لێ‌ هەموو كەس نكارن ببنە هۆنەرمەند.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi