ته‌مموز 20, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پیر خەلات ئەلیاس:د ئێزدیاتیێ دا حەسوودی گونەهە

د ئێزدیاتیێ دا حەسوودی گونەهە

پیر خەلات ئەلیاس

دێزدیاتیێ دا گونەهە کەسێ ب حەسوودی بەرێ خۆ بدەتە مالێ کەسەکی یان رسقێ کەسەکی و ب هەر ئاوایەکی حەسوودی نەهاتیە قەبول کرن چنکۆ ژ چاڤ تاریێ هاتییە و چەند هەبت نابێژت: بەسە هەتا مرنێ.
مرۆڤێ حەسوود ئی قەلسە و یی بێ خێرو خێراتە و هەر دەم دێ هاڤێتە خەلکێ و یا خۆ نابێژت و هاژی وی وەرە ئەو رێبەرە و زانایە و خێر خوازە و د ناخێ خۆدا دزانت عەملێ وی چی یە.

حەسوودی یە بەر بەلاڤە و هەر کەسەکی حەسوودی نینە و بتریا کەسێن حەسوود ئەون یێن دەولەمەند و مالدار یێن ب شەڤ و رۆژ ناسەکنن و هەر غارە وانە ل پێ کاری و هەکە رۆژەکێ کارێ وان بسەکنت دێ دنیا ل بەر چاڤان بتە دۆزەخ و دێ رەشا راکەن و دێ بێژن: بۆ مە ناقەدیێت، بەلێ دەمێ کەسەکی بەلنگاز بخۆ بەدلەکە جل و بەرگە پەیداکەت ئەو زەنگینێت دەور و بەرێن وی دێ دەهـ جاران بێژنێ تە ژکۆڤە ئینا و نابێژنێ پیرۆزی بت ئەڤە رامانا چاڤ نەباریێ یە و حەسوودینێ یە.

بترا خەلکێ حەسوود کاردکەن و مالێ دنیایێ دێ گەهینە ئێک و هەر دەم چاڤێ وان وێ ل فەقیرەکی و نابێژن دا ئەم بەلنگازێت خۆ راکەین و نە کارێ وی ژێ ببەین و ئەو بلا ئاخێ بخۆت.

دەمێ هەر زەنگینەك مالیا خۆ زێدەدکەت گەلەک کەیفا بەلنگاز و هەژارێن دەورو بەرێن وی تێت ، بەلێ 90 % کەیفا زەنگینە ب بەلنگاز و هەژاران نائێت ژبەر حەسوودیا د دلێ زەنگینی دا رێ نادەتێ کو کەیفا خۆ ب بەلنگازەکی بینن و سەرەرایی هندێ ئەو زەنگین دێ کراسێ حەسوودیا خۆ دبەر وی بەلنگازی کەت و دێ بێژت: ئەڤە ئی حەسوودە.

ژ سەرێ سەدی نۆت 90 % بەلنگاز و فەقیر و هەژار نەد حەسوودن و هەر حەسوودی ل هزرا وان نینە.

و هەر وەسا ژ سەرێ سەدی 90 % ژ زەنگینێت ڤی سەر دەمی دحەسوودن و چاڤ نەبارن و شەری دگەل دنیاداریێ دکەن و دەهان کارا دکەن و هاژی خۆ نینە و دلێ کەس و کار و خزم و لێزمێن خۆ ژی ژ خۆ گراندکەن و نزانن هەموو ژ حەسوودیێ یە.

هەکە بەلنگاز ئی حەسوود دێ ژ حەسوودی بخۆ کارەکی کەت ، بەلێ حەسوودیا بەلنگازی هنجی بەلنگازیا وی یە و حەسوودیا زەنگینی هنجی زەنگینیا وی یە.

ژ ئەدەبێ دینی ئێزدیان دەتە دیارکرن ژ دوعا یا هەیڤێ دبێژت:
ئەمبارک یا پیرۆز
خەسیس هەری خنێ بت هەتا سافی لێ بتە رۆژ
بەلێ حەسوود چەندی خنێ بت چاڤێ وی ل پنی دۆز .

رامان ژ ڤێ سەبەقێ دبێژت: هەکە مرۆڤەکی پیس چەند ب مالێ دنیایێ خنێ بت ئەو هەر نانڤت هەتا سوبێ لێ دبتە رۆژ ، و هەکە کەسەکی ب حەسوودیێ گرت و چەند زەنگین بت ئەو ژ هزرا خۆ و حەسوودیا خۆ ڤە نابت هەر چاڤێ وی وێ ل پنی دۆز ئانکو هەر دڤێت کەد وبەهرا بەلنگاز ژ مالێ دنیایێ ئەوژی بۆ وی بت.

ێزدیاتیێ ئیمان و باوەریەکا مەزن دایە علمێ خودێ و رێیا خودێ ، لەوما ژ ئەدەبێ دینێ مە ئێزدیان دبێژت:
هەکە ئێکی خودێ دایێ
ڤێرا بکە تەبایێ
کەرب و کینێ چو ژێ نایێ.

رامان ژ ڤێ سەبەقێ دبێژت: هەکە خودێ رسقەک یان مالەک دا ئێکی بۆرا ببە خێر خواز و لێ پیرۆزی بکە، و هەکە هەر بێژی ئەڤی ژ کێدەر ئانکو حەسوودی دبتە رێگر و پیرۆزیێ نادەتێ.

ژ ئەدبێ دینی مە ئێزدیان ژ بەیتا نەسیحەتان دبێژت:
قەنجە بخۆن ئاخ و بەر و نەچنە پێش قەلسەڤانی
هەکە قەلسەڤان بوونە مێر سەر سەد جاخ ژ ڤی زەمانی
هەکە حەسوود و نەزان بوونە رێبەر داد و بێ داد ژ دەستێ نەزانی.
نکرا پربێژێ دل رەش حەسوودی کەسادە
خەبەر بەزێ دل رەش قەلسی یە بێ مرادە
بێ جرئەتێ هنەرکەر ل سەر سفرێ ئی رباتە.

رامان ژڤان سەبەقە دەتە خویاکرن و دبێژت: هەکە کەسەکی قەلس بتە خودان مال و مالداری و ل شوندا بتە مەزن یان رێبەر ب ماخبنی ڤە ئەو دەڤەر یان وەلات دێ زەرەر بت ژ حەسوودی و قەلسیا وی و خەبر و فەسادیا وی یا دل رەش ئەڤە هەموو ب یە گرێدایی مرۆڤێت زەنگینە.

بەلێ رێز و حورمەت بۆ ئەوان زەنگینێت خودێ ناس و بێ زەرەر و ئوجاخێن کەڤنار و دەولەمەند و رێبەر و هەڤال دۆست و خێر کار و خێر خوازێن ئۆل و جڤاک و پێشکەفتنێ.

حەسوودی ناڤەکە و کەسانێ حەسوود نەبت ئەو وی ناڤی ل دیوان و مەجلسا نائینت بەلێ یێ حەسوودی هەبت ئی نەچارە وی ناڤی ل سەر خۆ دیاربکەت و دەست ب حەسوودیێ بکەت.

دئێزدیاتیێ دا یە فەرە راستگۆ و خودێ ناسبن ب ئیمانێ و بلا هون قوتێ خۆ بگرن ژ ڤێ دنیایێ و نەبنە دۆستێت حەسوود و چاڤ نەبارێت مرارێ ڤێ دنیایێ. و رێز و سلاڤ.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi