تۆرا لالش
ب هه‌لكه‌فتا ده‌ربازبوونا 56 سالان ب پارێزگه‌هبوونا پارێزگه‌ها دهۆكێ بنگه‌هێ لالش یێ ره‌وشه‌نبیری و كۆمه‌لایه‌تی په‌یامه‌كێ به‌لاڤ دكه‌ت.
بناڤێ خودێ مه‌زن و دلۆڤان
ب هه‌لكه‌فتا سالڤه‌گه‌را پارێزگه‌هبوونا پارێزگه‌ها دهۆكێ ئه‌م ب ناڤێ خۆ گه‌رمترین پیرۆزباهیان ئاراسته‌یى ته‌ڤایا ته‌خ و چینێن پارێزگه‌ها دهۆكێ دكه‌ین.
د شه‌رێ تیرۆرستێن داعش دا و نه‌خاسمه پشتی ل رێكه‌فتی 3/8/2014ێ، خه‌لكێ ڤێ پارێزگه‌هێ ب هه‌موو هێزا خۆ یا مرۆڤایه‌تی ده‌رگه‌هێن مالێن خۆ بۆ ئێزدیان ڤه‌كرن و دیاركرن كو كلتوورێ پێكڤه‌ژیانێ هه‌رده‌م دێ د ناخا ڤێ پارێزگه‌هێ دا زندی مینت.
هه‌روه‌سان هەر ل دەسپێكا پارێزگەهـبوونا دهوكێ هەتا ئيرۆ دهۆك بوویە پەناگەهەكا ئارام بۆ ته‌ڤایا پێكهاتان و ل بن سێبەرا حكومەتا هەرێما كوردستانێ پارێزگەها دهۆكێ پێشڤەچونێت بەرچاڤ بخۆڤە دیتینە و هەم ژلایێ شارستانی و هه‌م ژلایێ ڕەوشەنبیری و جڤاكی.
هه‌روه‌سان ئەڤێ ڕۆژێ ب ڕۆژەكا دیرۆكی دزانین و پارێزگه‌ها دهوكێ ناڤه‌ندا ڤه‌ژاندنا هزرا كوردایه‌تیێ و نیشتیمان په‌روه‌ری و پێكڤه ژیانێ یه و روله‌كێ پیروز گێرایه د هه‌مى قوناغێن بزاڤا رزگاریخوازا كوردستانێ دا.
دووباره سالڕۆژا پارێزگه‌هبونا دهۆكێ ل ته‌ڤایا خه‌لكێ خۆشتڤی یێ پارێزگه‌ها دهۆكێ پیرۆزبت.
ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى/دهۆك
27ى گۆلانا 2025ێ
تُتاح هذه الصورة أيضا في: کوردی
