پرۆژه‌يه‌ك ل دۆر ئاينێن هه‌رێما كوردستانێ دئێته به‌رهه‌ڤكرن
تۆڕا لالش/دهۆك
دچارچووڤێ پێنج شه‌ما ڕه‌وشه‌نبيرى و هزرى دا،ئيرۆ23ى ئه‌يارا 2024ێ،ل باره‌گايێ بنگه‌هێ لالش ل دهۆكێ دانوستاندنه‌كا ڤه‌كرى ژبۆ”سعود مستۆ” ڕێڤەبەرێ گشتیێ کاروبارێن ئێزدیان دەرباره‌ی پرۆژێ به‌رهه‌ڤكرنا په‌رتۆكه‌كێ ل سه‌ر ئاينێن هه‌رێما كوردستانێ هاته ڕێكخستن.
ب ئاماده‌بوونا كۆمه‌كا كه‌سايه‌تى و ڕه‌وشه‌نبيران و مامۆستايان،دڤێ دانوستاندنا ڤه‌كرى دا سعود مستۆ،ڕێڤەبەرێ گشتیێ کاروبارێن ئێزدیان پێشه‌كيه‌ك دەرباره‌ی پرۆژێ په‌رتۆكه‌كێ ل سه‌ر ئاينێن هه‌رێما كوردستانێ و ب تايبه‌ت به‌شێ ئێزديان كو ژلايێ وه‌زاره‌تا ئه‌وقافێ ڤه هاتيه به‌رهه‌ڤكرن پێشكێشكر.
ڕێڤەبەرێ گشتیێ کاروبارێن ئێزدیان چه‌ندين ڕۆنكرن و پێناسه دانه پرۆژێ ناڤبرى و داخوازا پێشنيار و بۆچۆنێن ئاماده‌بوويان ل دۆر پرۆژه‌ى كر.
پاشان ده‌رگه‌هێ گه‌نگه‌شێ دناڤبه‌را ئاماده‌بوويان دا هاته ڤه‌كرن و چه‌ندين پێشنيار و تێبينى ل دۆر په‌رتۆكێ هاتنه ئاڕاسته‌كرن.
ل پێنج شه‌ما ڕه‌وشه‌نبيرى و هزرى دا كو ژلايێ بنگه‌هێ لالش ڤه دئێته ل دارخستن،كو مژارێن گرنگ ل دۆر ڕه‌وشا ئێزديان بخۆڤه‌دگرت و پێشنيار و بۆچۆنێن ئاماده‌بوويان بۆ بنگه‌هى دئێنه بلندكرن.
تُتاح هذه الصورة أيضا في: کوردی
