سلێمان فانۆ: گیرۆبوونا زڤرینا ئاواران دێ بیته ئه‌گه‌ر ڕۆژ بۆ ڕۆژێ خه‌لک كه‌لتۆرێ خۆ ژبیر بکەت
باسنيوز:
به‌رپرسێ بنگه‌هێ لالش ل ناحیا سنوونێ یا سه‌ر ب شنگالێ ڤە دیاركر، گیرۆبوونا زڤرینا ئاواران بۆ شنگال دێ بیته ئه‌گه‌ر کۆ رۆژ بۆ رۆژێ خه‌لك دێ داب و نه‌ریت و كلتورێ خۆ ژبیر بكه‌ت، ئاواره‌بوونا خه‌لكی بوویه ئه‌گه‌ر کۆ زیان پتر بگه‌هیته شنگالێ، ئه‌و زارۆكێ ل ئاواره‌بوونێ ژ دایك دبیت دێ گه‌له‌ك تشتێن شنگالێ ژبیركه‌ت و نوزانیت ئه‌و ژیانا خه‌لكی ل شنگال برێڤه‌دبرن نوكه ل كه‌مپان نه‌مایه”.
د. سلێمان فانو، به‌رپرسێ بنگه‌هێ لالش ل ناحیا سنوونێ یا سه‌ر ب شنگال بۆ (باسنیوز) دیاركر، ره‌وشا نوكه شنگال تێدا و بریارا ڤه‌گه‌ریانا ئاواران گه‌له‌ك ژێك دوورن و پێتڤییە حكومه‌تا عێراقێ هه‌ڤكاریا خه‌لكێ شنگالێ بكه‌ت، مخابن بریارا ڤه‌گه‌راندنا ئاواران بۆ شنگالێ دێ بیته بارگرانی ل سه‌ر حكومه‌تا عێراقێ و خه‌لكێ شنگالێ ژبەرکۆ هێشتا گه‌له‌ك خانى ل شنگال خرابووینه و خه‌لكی شیان نینن ئاڤا بکەن “.
ئه‌وژى دیاركر، ده‌مێ وه‌زاره‌تا كۆچ و كۆچبه‌رێن عێراقێ ئاواران ناچار بكه‌ت کۆ ژ كه‌مپان بچنه شنگال ئه‌ڤه دێ بیته ئه‌گه‌ر کۆ ئاواره دەمێ دزڤرنه شنگالل تووشى گه‌له‌ك ئاریشه‌یان بن نوكه بریار وه‌سا هاتیه دان کۆ که‌مپ بهێنه دائێخستن و ئاواره ژ كه‌مپان ده‌ركه‌ڤن ئەگەر نه‌زڤرته شنگال ژى دروسته وه‌سا دێ ئاواره کیڤە چیت دێ ل کیڤە ئاكنجی بیت ئەگەر كه‌مپ نه‌بیت ئه‌ڤه ژى دێ ئاریشه‌كا مه‌زن بۆ ئاواران دروست كه‌ت و دێ ره‌وشا ئاواران گه‌له‌ك ئالوز بیت”.
زێده‌تر گووت، دووڤ ره‌وشا نوكه ل شنگال هه‌ی ئاواره به‌رهه‌ڤ نینن ڤه‌گه‌رن ئەگەر به‌غدا ئاواران ناچار ژى كه‌ت کۆ ڤه‌گه‌رنه شنگالێ دێ هزاره‌ها خێزانێن شنگال بێ خانى ل شنگالێ مینن ژبەرکۆ خانیێن خه‌لكی خرابووینه و نه‌هاتینه ئاڤا كرن”.
به‌رپرسێ بنگه‌هێ لالش ل ناحیا سنوونێ، ئاشكه‌را كر، شنگال د ڕه‌وشه‌كا خرابدایه ب تایبه‌تى ژى د وارێ ئه‌منی دا هێشتا خەلکی باوه‌رى نینه ڤه‌گه‌رن پێتڤیه حكومه‌تا عێراقێ هه‌مى گرووپێن چه‌كدار و نه‌شه‌رعى دناڤ شنگالێ ده‌ربێخیت و هه‌مى خالێن ریكه‌فتنا شنگالێ بكه‌ڤنه وارێ بجهئێنانێدا ژبه‌ركو باشترین چاره‌سه‌ری بۆ ره‌وشا شنگالێ بجهئینانا رێکكه‌فتنا شنگالێیه ئه‌و رێكه‌فتن دناڤبه‌را حكومه‌تا هه‌رێما كوردستانێ و عێراقێ دا هاتیه كرن هێشتا نه‌چوویه وارێ بجهئینانێدا”
تُتاح هذه الصورة أيضا في: کوردی
