بنگه‌هێ لالش ب پشته‌ڤانیا به‌رده‌وام یا حكوومه‌تا هه‌رێما كوردستانێ هاریكاریا ئاوارێن شنگالێ دكه‌ت
باسنيوز:
به‌رپرسێ بنگه‌هێ لالش ل قه‌زا شنگال دیاركر، هه‌ر ژ سالا 2014ێ هه‌تا نوكه بنگه‌هێ لالش ب پشته‌ڤانى و هه‌ڤكاریا حكومه‌تا هه‌رێما كوردستانێ هاریکاریا ئاوارێن شنگالێ دناڤ كه‌مپان و ده‌رڤه‌ى كه‌مپان دكه‌ت، ده‌مێ کۆ خه‌لكێ شنگالێ ئاواره بووین بنگه‌هێ لالش ب پشته‌ڤانیا حكومه‌تا هه‌رێما كوردستانێ ده‌ستێ هاریكاریێ گه‌هانده ئاواران و هه‌تا نوكه ژى خزمه‌تا ئاواران دهێته كرن”.
جه‌لال خرمش خه‌له‌ف، به‌رپرسێ بنگه‌هێ لالش ل قه‌زا شنگال بۆ (باسنیوز) راگه‌هاند، ب پشته‌ڤانى و هاریكاریا حكومه‌تا هه‌رێما كوردستانێ بنگه‌هێ لالش شیایه رێژه‌كا مه‌زن یا هاریكاریێن هه‌مه جۆر بگه‌هینیته ئاواران ب تایبه‌تى خه‌لكێ هه‌ژار و كێم ده‌رامه‌ت دناڤ كه‌مپان و ده‌رڤه‌ى كه‌مپان و به‌رده‌وام پشته‌ڤانى هاتیه كرن بۆ ساخكرنا رێو ره‌سمێن ئێزدیان و هزاره‌ها چالاكی بۆ ئاواران هاتنه كرن و به‌رده‌وام چالاكی و خزمه‌تا ئاواران دهێته كرن ب پشته‌ڤانیا به‌رده‌وام یا حكومه‌تا هه‌رێما كوردستانێ”.
ئاشكرا ژی کر، ئه‌ڤرۆ 11/5/2024ێ ل كۆمه‌لگه‌ها شاریا دێ بنگه‌هێ لالش تایێ شنگال و ناحیا سنوونێ چالاكیه‌كا مه‌زن بۆ ئاواران و خه‌لكێ شاریا ئه‌نجام ده‌ن”.
تُتاح هذه الصورة أيضا في: کوردی
