ئایار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌عید جردۆ: ئێك ژ ئارمانجێن بنگه‌هێ لالش نه‌هێلانا شوونه‌وارێن ته‌عریبێیە

سه‌عید جردۆ: ئێك ژ ئارمانجێن بنگه‌هێ لالش نه‌هێلانا شوونه‌وارێن ته‌عریبێیە

باسنيوز:

سه‌رۆكێ ده‌سته‌یا بلندا بنگه‌هێ لالش یێ ڕه‌وشه‌نبیرى و جڤاكی ل دهۆكێ د هه‌ڤپه‌یڤینه‌كێدا بۆ (باسنیوز) دیاركر، ئێك ژ ئارمانجێن بنگه‌هێ لالش نه‌هێلانا شوێنه‌وارێن ته‌عریب و بهێزكرنا پێكڤه‌ ژیان و گیانێ لیبورینێیه‌.

ڕۆژا 12/5/1993ى بنگه‌هێ لالش ل سه‌ر ده‌ستێ ڕه‌وشه‌نبیرێن ئێزدیان ب پشته‌ڤانیا بێ سنور یا سه‌ركرداتیا كوردستانێ و به‌رده‌وام حكومه‌تا هه‌رێما كوردستانێ پشته‌ڤانیا بنگه‌هێ لالش دكه‌ت، ڕۆژ بۆ ڕۆژى بنگه‌هێ لالش گه‌شه‌ دكه‌ت و خزمه‌تا ئێزدیان دهێته‌ كرن”.

سه‌عید جردو، سه‌رۆكێ ده‌سته‌یا بلندا بنگه‌هێ لالش یێ ڕه‌وشه‌نبیرى و جڤاكی ل دهۆكێ بۆ (باسنیوز) راگه‌هاند، هه‌ر ژ ده‌ستپێكێ بنگه‌هێ لالش كار ل سه‌ر ئه‌رشیف و كۆمكرنا به‌لگه‌نامه‌ وكلتور و تیكه‌ستێن پیروز یێن ئولا ئێزدیان هاتیه‌ كرن و نه‌هێلانا شوێنه‌وارێن ته‌عریبێ ل هه‌مى ده‌ڤه‌رێن ئێزدیان و راستڤه‌كرنا وان نڤیسین و شاشیێن کۆ ل سه‌ر ئولا ئێزدیان هاتینه‌ نڤیسین و به‌لاڤكرن ژلایێ نه‌یاران ڤه‌ و چاپ كرن و به‌لاڤكرنا په‌رتووكان و ناساندنا ئێزدیاتیێ ل هه‌مى جیهانێ هه‌تا نوكه‌ 51 هژمارە ژ گوڤارا لالش یا وه‌رزى هاتینه‌ وه‌شاندن، نوكه‌ هژمارە 52 یا به‌رهه‌ڤه‌ بۆ چاپكرن و به‌لاڤكرنێ و 67 په‌رتووك ژلایێ بنگه‌هێ لالش هاتنه‌ وه‌شاندن”.

سه‌عید جردو، گووت:” بنگه‌هێ لالش كار دكه‌ت بۆ ڤه‌كرنا که‌ناله‌كێ ئه‌سمانیێ گرێدایی داب ونه‌ریت و كلتورى ئێزدیان، دێ په‌یاما ره‌سه‌ن یا ئێزدیان گه‌هینیته‌ هه‌مى جیهانێ ب ده‌هان كۆنفرانس و چالاكیێن جۆراوجۆر هاتنه‌ ئه‌نجامدان و ئه‌م كار دكه‌ین بۆ خورتكرنا ڕه‌وشه‌نبیریا نشتیمانى و برایه‌تى و پێكڤه‌ ژیانێ دناڤبه‌را هه‌مى ئول و نه‌ته‌وه‌یان ل هه‌رێما كوردستانێ و عێراقێ ژى پلانه‌كا ستراتیژى هاتیه‌ دانان بۆ زێده‌تر كاركرنێ”.

ته‌كه‌ز كر، کۆ بنگه‌هێ لالش ل سه‌ر كۆمه‌كا ئارمانجان كاردكه‌ت و كار و خه‌باتا بنگه‌هێ لالش یا به‌ره‌وامه‌ ئه‌ڤه‌ 31 سالن بنگه‌هـ خه‌باتێ دكه‌ت و پتر ژ چار هزار ئه‌ندامان هه‌نه‌ و ده‌رگه‌هێ ئه‌ندامه‌تیا بنگه‌هێ لالش یێ ڤه‌كریه‌ هه‌ر جهه‌كێ ئێزدى لێ ئاكنجیى بن ئه‌م هه‌ول دده‌ین کۆ نڤیسینگه‌هه‌كا بنگه‌هێ لالش بۆ وان ڤه‌كه‌ین”.

ئاشكرا كر کو ئه‌م كاردكه‌ین ل ده‌وله‌تێن بیانى ژى بنگه‌هێ لالش بهێته‌ ڤه‌كرن و خزمه‌تا ئێزدیان بهێته‌ ڤه‌كرن دێ ئەوروپا كار و خه‌باتا بنگه‌هێ لالش ده‌ست پێ كه‌ت، هه‌مى ئاین و نه‌ته‌وه‌ سه‌ره‌دانا بنگه‌هێ لالش دكه‌ن”.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi