ئایار 31, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌عید جردۆ:دخوازين كارێ يونيتاد بۆ ڤه‌كۆلينێن تاوانێن داعشێ به‌رده‌وام بت 

سه‌عید جردۆ:دخوازين كارێ يونيتاد بۆ ڤه‌كۆلينێن تاوانێن داعشێ به‌رده‌وام بت 

باسنيۆز:

سه‌رۆكێ ده‌سته‌یا بلندا بنگه‌هێ لالش یێ ره‌وشه‌نبیرى و جڤاكێ د هه‌ڤپه‌یڤینه‌كێدا بۆ (باسنیوز) دیارکر، گەلەك گرنگە عێراق بیتە ئەندام ل رێکەفتنا روما دا کارەکێ باشتر ل سەر جینۆسایدا ئێزدیان بهێتە کرن و دخوازین کۆ یونیتاد د عێراقێ دا بمینیت بۆ کارکرن ل سەر تاوانێن تێرۆرستێن داعش.

سه‌عید جردو، سه‌رۆكێ ده‌سته‌یا بلندا بنگه‌هێ لالش یێ ره‌وشه‌نبیرى و جڤاكێ راگه‌هاند، یونیتاد ته‌كه‌ز كر کۆ ئه‌و تاوانا ب سه‌رى ئێزدیان هاتى دسالا 2014دا ژلایێ تیرۆرستێن داعش ل قه‌زا شنگالێ جینۆسایدە و نوكه‌ ژى ئه‌رمه‌نستانێ ب فه‌رمی داخواز كریه‌ کۆ سالانه‌ ڕۆژا 8ێ3 ئه‌ڤ ڕۆژە بهێته‌ ساخ كرن ئه‌ڤه‌ ژى پێنگاڤه‌كا گرنگه‌ بۆ دانە نیاسینا جینۆسایدا ئێزدیان ل هه‌مى جیهانێ، ئه‌م دخوازین کۆ هه‌مى ده‌وله‌ت دانپێدانێ ب جینۆسایدا شنگالێ بكه‌ن”.

ئاشكرا كر، بریارە هه‌یڤا 9 یا ئەڤساڵە یونیتاد خۆ ژ عێراقێ ڤه‌كێشیت، ئه‌ڤه‌ دێ زیانێ گه‌هینیته‌ جینۆسایدا ئێزدیان له‌ورا ئه‌م دخوازین کۆ به‌رده‌وامیێ ب كارى خۆ بده‌ن هه‌تا عێراق ژى دانپێدانێ ب جینۆسایدا شنگالێ بکه‌ت، هه‌مى به‌لگه‌ ل سه‌ر جینۆسایدا شنگال هاتینه‌ كۆمكرن و ئاماژە ب وێ ئێکێ کر کۆ ئەو تاوان جینۆسایدە، مخابن هه‌تا نوكه‌ عێراق نه‌بوویه‌ ئه‌ندام ل ڕێكه‌فتنا ڕۆما له‌ورا گه‌له‌ك ئاسانكاری هێشتا بۆ كه‌یسا جینۆسایدا ئێزدیان نه‌هاتینه‌ كرن و دادگه‌ها نێڤده‌وله‌تى ژى نه‌شیایه‌ باش كارێ خۆ ئه‌نجام بده‌ت”.

سه‌عید جردو، گووت:” هه‌ر ده‌مێ عێراق بیته‌ ئه‌ندام ل رێكه‌فتنا روما دێ كاره‌كێ باش ل سه‌ر جینۆسایدا ئێزدیان هێته‌ كرن ئه‌ڤ كه‌یسە دێ ئێكلابیت و هه‌مى قوربانیێن جینۆسایدا ئێزدیان دهێنه‌ قه‌ره‌بوو كرن و تاوانبار ژى هێنه‌ سزادان”.

سه‌رۆكێ ده‌سته‌یا بلندا بنگه‌هێ لالش، راگه‌هاند، به‌رده‌وام ئه‌م داخواز دكه‌ین کۆ ره‌وشا ئێزدیان چاره‌سه‌ر بیت ئه‌و ره‌وشا کۆ خه‌لك دناڤ كه‌مپان دا ده‌رباز دكه‌ت دوماهیک بهێت، خه‌لكێ مه‌ د ژیانه‌كا سه‌رفراز دا بژین و ڤه‌گه‌رنه‌ شنگالێ داكو گهۆڕین ل جهێن باب و باپیران نه‌هێته‌ كرن و خه‌لكێ ره‌سه‌ن یێ شنگالێ ل جهێن باب و باپیرێن خۆ بژین و خزمه‌تگوزارى هه‌بن و یاسا ل شنگال سه‌روه‌ربیت و ده‌لیڤێن كاركرنێ بۆ خه‌لكێ په‌یدابن و خه‌لكێ زیانڤێكه‌فتیێن شنگالێ هه‌مى بهێنه‌ قه‌ره‌بوو كرن “.

ته‌كه‌ز ژی كر، كو پێتڤیه‌ حكومه‌تا عێراقێ ره‌وشا ده‌ڤه‌را شنگالێ ئاسایی بكه‌ت و پڕۆژه‌یێن گرنگ بهێنه‌ بجهئینان و رزگاربوویێن ئێزدى بهێنه‌ قه‌ره‌بووكرن و ئیداره‌كا شه‌رعی ل شنگال بهێته‌ دانان و شنگال ڤالا بیت ژ گرووپێن نه‌شه‌رعى و چه‌كدار”.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi